17 1 月 試新店 – かなめ（Kaname）

有一日經過唐人街，見到有間新開既日本料理，就稔住去試下啦。呢間都裝修得唔差架，好有居酒屋既感覺，舊舊地甘；但係佢serve既野食就唔係好似居酒屋，反而係似普通既日本料理多D。

我地入到去先知原來成間舖頭凈係得我地兩個客，但server就有十幾個，突然間覺得有D怪？叫完野食後，開始有少少明點解冇咩人啦，成間舖頭得我地兩個，但佢地出兩個菜都要好耐、好耐（冇計過時間，但就真係好耐啦），如果多多幾檯咪唔掂？可能就係因為甘，冇咩人黎？

點都好啦，講下我地食左咩：

麥包點既便當套餐，有炸蝦、炸豬排、關東煮、煎魚、味噌湯、同埋沙拉。麥包話個關東煮好好味，但個炸豬排就好乾，唔係好掂。而個三隻炸蝦就緊係我食左啦，唔錯，幾好味架，仲好大隻忝。

我點既魚生套餐，有味噌湯、沙拉、醃菜、同埋魚生。魚生方面有：鮭魚、鮪魚、鯛魚、北寄貝、魷魚、章魚等等。唔係話唔好食既，唔知係咪係日本既時侯食到既特別D，所以覺得冇甘好食呢？

【同分類上一篇】：再訪 "Wann Izakaya"

【同分類下一篇】：再次"銀座"聚會