22 12 月 [箱根] 第九日Part IV – 箱根吟遊 – 溫泉篇

去左日本甘多日，日日都差唔多係由朝行都晚，都真係咪話唔辛苦（嘻嘻，所以有人話去旅行係”貼錢買難受”），所以係呢個旅程既最後一日黎浸溫泉真係唔錯、唔錯架。我同麥包可以話係”充份利用”我地既每分每秒去浸溫泉；我地先秉成日本人既傳統，一日三浸 – 分別係晚飯前，臨o訓前，同埋朝早起身食早餐前；但因為太舒服啦，所以我地早餐後都再浸多一次先走，所以可以話我地呢兩日一夜裡面，唔係食，就係浸。

甘係邊度浸溫泉呢？我地多數都會係留返係房裡面既風呂既，沖完涼之後，先浸既係玻璃浴室內既銅風呂，因為係密封既關係，加埋好熱既溫泉水，浸唔駛幾耐就有挶桑拿既感覺啦；雖然好熱，不過都好舒服。但比較之下，我會鍾意個露天風呂多D（下圖），因為係”微微既涼風”下浸溫泉唔會覺得太熱，可以係水裡面耐D都無問題。嘻嘻，我稔冬天落雪既時侯去浸溫泉肯定好正~！

但黎到無理由凈係係房浸架？所以我同麥包都係朝早未食早餐既時侯去佢地既露天大浴場到浸，聽人講話呢個時侯去係最少人既。佢地有三個唔同既露天大浴場，兩個係五樓，一個係一樓；係會因應唔同既時間交換成男或女既。因為朝早《月音》係男湯，《月代》係女湯，所以麥包就去《月音》，而我就去《月代》。

《月代》好大架，有個好似無邊際（infinity pool）既大風呂，同埋個細既木桶風呂。係個無邊際既風呂望出去係好靚既山，仲睇到係對面好遠既箱根吊車忝（我稔佢地見唔到我卦？都真係好遠架）。係高處望出去同係我地房望出去既感覺好唔同。

我入去個時見到一家人，有婆婆同佢兩個女（佢地就係我之前講過話係checkout時見到個家，想訂下年再黎過，但係要下年11月先有房），但佢地冇幾耐就走左啦（早知就帶埋相機入去影相啦。另外麥包浸個邊就有個爸B同埋個細路女喔~（唔知點解個女女唔同媽咪同埋婆婆係女湯個邊浸既呢？）！

我浸既《月代》 | 麥包浸既《月音》
（入面影唔到相，以下既相係由”貨切溫泉”提供）

網上搵到關於呢到既溫泉資料：
■泉質：ナトリウム－塩化物泉
■源泉温度：68.2℃
■源泉湧出状況：自家源泉
■源泉循環
■加温：有
■消毒：有（セラミックスに銀を融合させた多機能型除菌、塩素系薬剤）
■入浴剤：無
■効能：冷え症・筋肉痛・関節痛など
■湯の色：無色透明

《待續~》

§箱根§ – 第九日Part V – 箱根吟遊 – 懷石料理篇