22 1 月 【香港】置地文華《Mo Bar》下午茶
返香港前已經同朋友M約好去high tea﹐朋友M話置地文華《Mo Bar》入面嘅mango mousse好好味﹐咁就去《Mo Bar》試下喇。呢間新文華同舊文華(文華東方/Mandarin Oriental)都係喺中環﹐唔同在於新文華係modern chic style﹐而舊文華就比較traditional D。不過舊文華嘅afternoon tea都改咗新版﹐都係新嘅擺盤﹐下次可以去試試
。
講返《Mo Bar》先啦。嗰日嘅行程就係朝早同麥包去行街﹐三點就去《Mo Bar》high tea﹐之後再同麥包彙合﹐去銅鑼灣間《金滿庭》同屋企人食晚飯﹐都幾趕吓﹐所以都唔係太多時間同朋友M傾計添﹔不過唔緊要啦﹐仲有下次嘛
。
《Mo Bar》入面燈光柔和﹐人亦唔多﹐好岩同朋友嚟傾下計﹐食下嘢。因為同朋友M傾得太投入﹐好多嘢都唔記得咗影
﹐包括《Mo Bar》入面嘅環境﹑好特別嘅三層afternoon tea set全景﹑仲有最重要同朋友M嘅合照都冇影到
﹗﹗《Mo Bar》環境同埋tea set就算喇﹐但下次一定要補返張合照
。
。
↓ 個tea set都係有三層﹐但就唔係好似傳統嘅三層式圓型托盤放喺檯面﹐而係三個長方型托盤﹐分別放喺三個斜斜哋嘅架到﹐而嗰三個架就由一條好高﹑又係斜斜哋嘅座地腳架支撐著﹔因為成個三層架仲高過張檯﹐所以就放喺檯旁邊﹐食嘅時候就將想食嗰層放喺檯面。
先講最底層﹐亦係最先食嘅鹹點先喇。左面三款唔同嘅三文治都
﹐兩件有唔同ham嘅好味D﹐淨黃瓜嘅就比較清淡。
↓ 朋友M唔食三文魚﹐咁我就食晒有三文魚喺上面嘅兩件﹐好味~﹗
另外嗰兩件我無咩印象喇﹐都應該唔太差。
↓ 跟住落嚟食中間嗰層嘅scones。呢個scones唔好食﹐好乾
﹐又冇文華出名嘅玫瑰花果醬(不過我未去之前都知﹐玫瑰花果醬淨係舊文華先有)﹐我覺得係美國Fairmont Hotel嗰個scone好味好多喇。
↓ 最後到第一層嘅甜品﹐整得都幾靚。見唔見到左下角嘅兩條長型朱古力﹖係非常之甜﹗﹗同美國嘅甜品有得揮﹐唔係我杯茶﹗
↓ 呢個就係好美味嘅mango mousse喇﹐好味﹐好味
。
但喺mango mousse隔離件朱古力蛋糕朋友M食咗﹐話超甜﹐我就冇食喇。
↓ 件覆盆子(raspberries)嘅macaron整得好靚呀﹐可能係覆盆子本身帶微酸﹐所以唔會話太甜﹐都OK﹔其餘兩件蛋糕咩味我就唔記得喇﹐哈哈﹗
雖然唔係話件件都好食﹐但overall都OK嘅﹐同埋我好鍾意個環境同氣氛
﹐真係好岩傾計~﹗
我諗我越嚟越鍾意high tea啦。下次再去第間試過先~!
《Mo Bar》
The Landmark Mandarin Oriental Hotel
15 Queen's Road Central, The Landmark, Central, Hong Kong
Panda
Posted at 02:37h, 23 1 月喂喂~新年快樂呀!!每次睇你個blog都激起我D旅行細胞﹐攪到成日想去旅行!我o岩o岩<br />
返HK結左婚﹐去左箱根吟遊呀!!真係好正哩!!~
版主回覆：(01/23/2009 06:22:34 AM)
新年快樂呀﹗﹗你結咗婚喇﹖恭喜晒^^
你都係去咗《箱根吟遊》喔﹐係呀﹐而家諗返起我都覺得嗰到好正~﹗