14 1 月 【香港】詳談於《鮨処松戸》
喺返香港之前﹐就同朋友J plan好要揾間可以舒舒服服傾計嘅地方食餐飯。朋友J本來想去《胡同》或《Aqua Tokyo/Roma》嘅﹐但因訂唔到位嘅關係
﹐我哋最後就臨急臨忙喺TST揾咗呢間我哋兩個都未試過嘅《鮨処松戸》試下喇。
《鮨処松戸》裝修得好有日本嘅感覺﹐如果冇記錯嘅話﹐除壽司吧位外
﹐大部分都係卡位嘅設計。成晚嚟講都唔算話好多人﹐卡位同卡位之間又有好大嘅空間﹐岩晒我哋想靜靜哋傾下計嘅計劃
。
﹐但個生嘅蝦頭我就唔敢食喇~﹗
↓ 朋友J點嘅『北海丼』﹐顧名思義就係有北海道盛產嘅海膽﹑鮭魚子同埋蟹。睇落好好味
﹐但真正好唔好食﹖就要問朋友J先知喇
。
嗰晚我哋傾咗好多大家嘅事﹐講咗好多自己嘅感覺﹑感受﹐開心喔~
﹗雖然我哋時不時都會用IM傾計﹐但真係可以坐埋一齊食餐飯﹐面對面嘅機會一年可能就得一﹑兩次﹐喺我返香港嘅短短幾日裡。
※※※※※※※※※※※※※※※ 同場加映 ※※※※※※※※※※※※※※※
當我同朋友J食緊飯嘅時候﹐麥包去咗邊呢﹖就係去咗佢大哥﹑”大嫂”(呵呵~平時好少叫”大嫂”的﹐都係叫名)屋企食飯。佢哋好好人喔﹐麥包臨走前﹐佢哋專承去咗買”大嫂”同”大嫂”媽媽覺得好好味嘅『芒果糯米糍』俾我哋食~
﹗
睇下﹐個糯米糍有80%都係芒果肉﹐又甜又美味喔~
﹗
今次返香港無機會見到佢哋(麥包就見咗兩次)﹐唔知佢哋幾時會過嚟美國呢
﹖
joanne427
Posted at 07:33h, 16 1 月我叫嗰個dinner都ok嘅, 唔算好難食.<br />
另外就係你覺唔覺得我哋每年見得咁少面有啲似牛郎&織女呀? 哈哈<br />
哈!!!<br />
你個芒果糯米糍好好味咁喎, 問吓佢哋去嗰間食店叫咩名呀?
版主回覆：(01/16/2009 07:38:50 AM)
哈哈﹐好喎~﹗咁我做織女﹐你做牛郎啦 ^O^
個芒果糯米糍﹐麥包話淨記得係喺元朗﹐但就唔記得間鋪頭個名喇﹐
等我哋下次問下“大嫂”再話你知吖。