跟住嚟嘅就係『酥炸生蠔』﹐我哋見平平哋就order嚟試下﹐都炸得幾脆㗎﹐但就唔係太有蠔味。

呢碟『炒象拔蚌』真係幾唔錯㗎﹐一D都唔會過熟﹐好味﹑好味~

『燒牛仔骨』聽講係呢到嘅招排菜之一﹐原來Happy Hour都有﹐就緊係叫嚟試喇。唔知係咪期望過高﹐好就幾好食嘅﹐但就冇咩驚喜﹐同埋有些少過肥咁囉。

呢碟『炸原隻軟殼蟹』係麥包一睇到MENU就話要食嘅﹐我都諗佢係好好味㗎﹔隻軟殼蟹真係好正﹐好肥美多肉﹐但就覺得個醬汁太鹹﹐唔係嘅話會係個好好味嘅餸。

相入面分別見到嘅就係『辣鮭魚手卷』同埋『辣蟹肉手卷』。呢兩個手卷係我食過最大個嘅手卷~﹗我諗有普通手卷嘅兩倍大﹐如果食lunch嘅話﹐淨食兩個都飽晒㗎喇。我食咗個蟹肉嘅﹐麥包就食咗個鮭魚嘅﹐兩個都唔錯﹑唔錯。

最後就係『Yama Roll(特式卷物)』﹐入面有大蝦天婦羅﹑蟹肉﹑鮪魚﹑青瓜﹑牛油果等等。一個字 -正~﹗

食完以上嘅嘢已經飽到唔郁得﹐都唔晒睇甜品MENU啦~﹗