03 6 月 早餐之銀座木村屋+北海道パン

朝朝早都好爛瞓嘅我﹐就緊係等到最後一分鐘先爬起身返工啦。就係因為要九秒九嘅速度飛返公司﹐所以我都係返到公司先食早餐嘅。就係因為咁﹐我同”腸仔﹑煎雙蛋加鮮奶”呢類型早餐就真係無緣㗎啦﹐咁唯有食吓麵包﹑蛋糕﹑生果等等做早餐喇。以下係我近期食過覺得好好味嘅早餐﹕

上兩個禮拜係買開餸嘅日本超市見到呢個《銀座木村屋》嘅「スイスロール(Swiss Roll)」。因為之前聽講過《銀座木村屋》係間幾出名嘅日本餅店﹐咁就買嚟試下喇。食過之後真係覺得好好味﹐佢同平時食到嘅瑞士卷唔同﹐除咗好鬆軟之外﹐仲有比其它瑞士卷有更醲嘅奶味﹐好掂~﹗

話說我99成日驚我同麥包會趕返工而唔食早餐﹐所以每次我哋返去食飯時﹐佢都會買定D麵包﹑蛋糕之類嘅嘢﹐俾我哋做早餐。呢個「天然酵母パン」就係佢其中一次買俾我哋食嘅早餐。個包真係好好味㗎﹐好有層次感﹐可以續層﹑續層撕出嚟﹐係每層嘅中間有好香醲嘅北海道cream﹐真係好正㗎。

因為覺得99買個嗰「天然酵母パン」咁好味﹐咁我自己又去買咗個同類型﹐但唔同牌子嘅嚟食。呢個都係有北海道(十勝)嘅cream做餡﹐都係一樣咁好味~﹗﹗﹗下次試下其它唔同嘅味道先~