06 5 月 常到的韓國餐廳

—————————————–
上個星期五同麥包諗緊去邊到食飯嗰時﹐諗起之前睇嘅電視綜藝節目見過嘅『韓國海鮮煲』好似好好味咁﹐就去試下啦。我哋去咗間叫”HAE NAM”嘅韓國餐廳﹐呢間我哋平時去多數會叫個由豬肉同魷魚整嘅鐵板燒﹐亦都係佢哋嘅招牌菜嚟食﹐但今次就係為個『韓國海鮮煲』而來喇。但係喺個menu到又揾唔到呢個『韓國海鮮煲』﹐而本menu又有三分一嘅餸只係用韓文寫喎﹐咁我哋就直接問佢有冇個『韓國海鮮煲』喇。原來真係有㗎﹐但佢話係俾三至四個人食嘅﹐我哋得兩個人﹐可能會太多﹔另外﹐個餸仲係唔喺個menu到喎。我同麥包問佢食唔晒嘅話擰唔擰到返屋企﹐佢話無問題﹐咁我哋就order咗喇。

﹗呢個『韓國海鮮煲』真係好大煲呀~﹗哈哈﹐係咪好有”血池地獄”嘅感覺呢﹖喺個煲放咗喺我哋張檯之後﹐就有個韓國大嬸嚟幫我哋將煲內嘅食物剪開﹐跟住再落埋烏冬麵先走。成個煲都真係唔錯﹐有好多好多海鮮﹐我最鍾意食D烏冬﹐佢吸咗海鮮湯嘅香味﹐辣辣哋﹐正~﹗但係真係好大煲﹐我哋囉咗返屋企之後仲可以食多餐~﹗

另外佢哋嘅配菜都好好味﹐我同麥包係個煲嚟之前食到唔停得口~(可能係肚餓嘅關係)

—————————————–

順便講埋另外一間我哋都好常幫襯嘅韓國嘢食啦。呢間叫”HOSOONYI”﹐佢比其他嘅韓國餐廳平少少﹐但service就唔係咁好啦﹐不過D嘢食就唔差嘅(但好似覺得以前好味D咁)。以下係我哋成日order嘅嘢食﹕

【韓國海鮮pancake】

【韓國豆腐湯】

【韓國炒鮮魷】

—————————————–