いちご大福クーリプ(可麗餅)

13 5 月いちご大福クーリプ(可麗餅)

Posted at 05:33h in 外食篇 by mctea 2 Comments

上個星期六去開唐人街﹐見有D肚餓﹐就去咗試下呢間新開冇幾耐嘅”可麗餅”(crepe)。嗰個”可麗餅”嘅display真係有少少似係日本竹下通り(詳程請看﹕明治神宮，竹下通り)見到嘅咁。呢到嘅”可麗餅”有鹹(上圖左面)同埋甜(上圖右面)兩種﹐今次我同麥包都係”口痕”買嚟食﹐咁就買甜嘅試下先啦。

睇完一輪模型後本來諗住食個”草莓鮮忌廉”嘅﹐但係喺落單前俾我見到個special叫【いちご大福クーリプ】~﹗吓﹖放個”大福草餅”加埋”草莓”入去嘅crepe﹖好似好得意咁喎~﹗咁我就問下佢個【いちご大福クーリプ】係咩樣嘅(因為冇模型睇﹐都係問清楚好)。原來唔係放成個”大福草餅”落去﹐而係有”紅豆”﹑”團子(団子)”﹑加埋”草莓”做餡﹐咁”紅豆”+”團子”=”大福草餅”咁解~﹗