[箱根] 第九日Part II – 箱根吟遊 – 旅館篇

16 12 月 [箱根] 第九日Part II – 箱根吟遊 – 旅館篇

Posted at 06:49h in 07日本 - 箱根『箱根吟遊』 by mctea 0 Comments

《箱根吟遊》係我九個月前就上網訂既溫泉旅館。雖然佢提供既service同經營手法都係同傳統既溫泉旅館冇咩分別，但係日本人眼中佢唔算係傳統既溫泉旅館，反而係帶有”巴里島”風格既新式溫泉旅館。可能係因為佢除左有幾個唔同既公眾溫泉外，亦係每間房內都有私人既露天溫泉，所而特別受”20代”同”30代”既情侶、夫婦歡迎。但佢成間旅館只係得二十間房，係甘受歡迎既情況下，想訂房既人通常都需要成年前訂既。好似我地checkout既時侯見到一家人（呢家人我地見到好多次架啦，遲D再講詳情），佢地又係checkout緊，我聽到佢地同個reception講話想訂下年十月黎過，個reception話佢知而家D房已經訂到下年十一月，問佢介唔介意訂十一月既房，真係誇張，唔怪知得日本人話佢係：『日本一予約の取りにくい宿』（日本第一難予約的旅館）；台灣人就話佢係：『住不到的超美形山景和宿』。

《箱根吟遊》既五樓係lobby，一至四樓先係房間。因為佢係起係山崖既斜面上，每間房都係望住對面山，所以全部房都好開揚，真係可以有景之餘，又唔驚人會睇到你，私密度甚高。另外就係成間旅館都舖晒”たたみ”（tatami），行起上黎好軟、好舒服。

先講下五樓既lobby先啦，因為旅館度度都係”たたみ”，一入門口就要除鞋啦，左手邊就係reception，右手邊就係旅館既logo – 兩張凳放係好高樓底既屋頂（下左圖），望出去係一望無際既山景（上圖）。

哈哈，夜晚就緊係咩都睇唔到啦，都係影下相，扮下野。

另外係個兩張logo凳既右手面行出去外面，就會見到以下既小小地方，亦可以係室外欣賞風景。

如果覺得外面太大風又或者太凍既話，係上面既露台行返入黎又有個”巴里風”裝飾既廳，好靚、好舒服架。

講開”巴里風”，呢到既每個角落都有唔同既特式display。

跟住由正門直行入去右手面就會見到”忘憂BAR”，再直入就係公眾溫泉，好多人浸完溫泉之後都會黎呢到買返杯野飲，頃下計。但就算你唔飲野，凈係想黎坐下都係無任歡迎既。麥包就係呢到上網check emails（因為凈得五樓呢到先有connection），而我就趁呢段時間去左睇賣手信既舖頭（詳程睇箱根吟遊 – 購物篇）。