[箱根] 第九日Part I – 小田急浪漫特快、大涌谷

《10月16日》

1864722306.jpg
五點幾就係京都起身,執埋野、check out左之後就搭地鐵去”京都站”,坐六點幾個班新幹線返新宿,之後再坐”小田急浪漫特快”去”箱根湯本”。因為我地係京都都未坐過地鐵,所以今日又預早左D時間去搵路。好好彩,一切都好順利,好快就上左新幹線。原來新幹線朝早好多人搭架,大部分人都著到好pro,見到唔少黑色既suits。個時我好佩服佢地搭甘長程車去返工,但而家稔下稔下,個程車可能都係一個鐘頭甘上下(我冇留意佢地係咩站上車同落車),我而家返工到差唔多啦,只不過新幹線快,所以佢地去遠D都冇所謂卦?

1864722306.jpg甘早起身,好眼o訓呀~我同麥包上車冇幾耐就o訓到不醒人時囉。

三個鐘頭後我地就去到新宿啦,仲有半個鐘頭到先上車。因為之前去過囉”浪漫特快”既車票,所以好快就去到搵到個月台。去京都個時見到/(係聞到至岩)人地個火車便當好好味,我地就稔住係車上面食便當;一來唔會又聞到人地個便當覺得好想食,二來又可以慳返lunch既時間去玩。我地去買完便當就上車啦。

車身全白色,嚫入面既橙色坐位,好sharp、好靚架。果然係同稔既一樣,個司機係第一個上車既,佢會爬梯上去車頂既小小坐位,而頭位係俾乘客坐架。我地回程就係坐頭位啦(上右圖),因為係頭位,比較寬倘,嘻嘻,冇想象中甘好玩,但都幾得意架。
1864722306.jpg

冇聊時影既video~







我地買既便當:我既係八角形既,有蝦、三文魚、魚蛋等等,好好味架。而麥包既就係圓形個個,係炸雞飯,麥包話幾好味喔~

————————————————————————————————

1864722306.jpg去到”箱根湯本”之後,我地就第一時間去溫泉旅館(箱根吟遊)到放底行李就去”大涌谷”啦。先黎既係搭”箱根登山電車”,真係我搭過最慢既電車;可能係因為得一條路軌,但就有兩架電車又上又落,時時都需要停埋一等,輪流甘上落,由”箱根湯本站”到”強羅站”搭一程大約需要四十五分鐘。

跟住就轉”箱根登山纜車”由”強羅站”去”早雲站”大約十分鐘甘上下啦,同搭香港既山頂纜車差唔多。

去到早雲站到搭”箱根空中纜車”,十幾分鐘後就到”大涌谷”(上圖)啦(好似轉左好多次車甘)。係站既入面,有1864722306.jpg個好cute既牌,好似係記念空中纜車重開既(右圖);我係金太郎,麥包就係熊仁,哈哈~!呢到有成千幾尺高,我地又著得少衫喔,麥包就話唔怕凍,但我就凍到就黎結冰啦,睇唔睇到我影想個樣好緊呢?哈哈~好彩最後買左罐熱既綠茶,我就當佢係暖水袋甘用。真係估唔到”大涌谷”會甘凍既,等我仲以為係溫泉,好暖既忝。



箱根空中纜車入面~

箱根空中纜車 | 箱根登山纜車 | 大涌谷



1864722306.jpg

“大涌谷”周圍有好多買手信既舖頭,黎黎去去都係賣差唔多既野啦,但有一間好得意架,佢有個好大既Kitty黑玉子(左圖),Kitty fans既我(其實而家已經冇甘係架啦,讀書時瘋狂好多)就緊係要同佢影返張相啦(係室外,超凍喔~)。我地係舖頭入面見到有Kitty黑玉子公仔賣,俾想象中賣得貴喔,但奶奶上次黎既時侯已經買左個俾我,呵呵呵~(詳情睇呢到)

1864722306.jpg1864722306.jpg傳說食一隻溫泉黑蛋(黑玉子)就可以延壽七年。一包有六個,我同麥包都覺得太多啦,但問過佢地又唔肯兩個甘散賣俾我地;稔左一輪,橫惦一場黎到,都係買包試下啦。

佢實際上同普通雞蛋冇咩分別,凈係個嗀黑左,同埋隻蛋有少少琉磺味,唔差架,好味~好味~。我地仲驚食唔晒,但係食下又一個,食下又一個,話甘快就成袋食晒啦,哈哈。右圖既係我既”暖水袋綠茶”,用黎”送”蛋亦唔會甘乾。

黑玉子(蛋) | 箱根登山電車上彎彎曲曲既路 | “大涌谷”既舖頭



好凍喔,返落山浸溫泉啦~

《待續~》

§箱根§ – 第九日Part II – 箱根吟遊 – 旅館篇

【同分類上一篇】:§箱根§ - 第十日Part II - 箱根吟遊 – 購物篇
【同分類下一篇】:[箱根] 第九日Part II - 箱根吟遊 – 旅館篇
No Comments

Post A Comment