§箱根§ – 第十日Part II – 箱根吟遊 – 購物篇

《11月10日》

1613186279.jpg前幾日岩岩收到既EMS,就寫呢篇先啦。話說我地去《箱根吟遊》浸溫泉既時侯,分別係房既溫泉同外面既大溫泉到試過《箱根吟遊》自家製既body buffer同face peeling。個body buffer好香,用完之後真係滑一滑;個face peeling仲正,係我用過既peeling入面效果最明顯既,真係去到唔少死皮。可能係因為佢地個溫泉旅館入面有個SPA,所以就自己研製埋skincare?個晚都心大心細好唔好去佢既”おみやげ”舖頭到買架啦,但到check-out個時就唔記得左,冇買到。

1613186279.jpg

返到黎美國之後都仲係好掛住支face peeling,甘岩又收到幫我訂《箱根吟遊》個間agent個email,叫我填返份survey俾佢地,甘我就稔住不如問係佢地,睇下佢可唔可以幫我arrange寄支face peeling過黎。佢問過《箱根吟遊》後話我知佢地唔會寄野去外國,日本國內就OK;甘個agent就話可以幫我訂去佢公司,跟住由佢公司既名義寄俾我。經過幾個來來往往既emails,佢地就好快甘幫我寄左支face peeling(同埋我加訂既Gift Set)到我屋企啦。係成個過程裡面,佢地都無收過我任何既費用(我點知?係因為佢寄埋郵費既收據同兩件貨物既訂單俾我)。又再一次覺得日本人既service實在係太好啦。

除左好好用既face peeling之外,我仲買左個叫”Lovely Bath Gift Set”,個set真係好迷你架咋,有一支bath oil、一支perfume oil、同埋一件肥皂。個兩支oil係係巴里島入口既,而件肥皂就係《箱根吟遊》既自家出品。




《待續~》

§ 箱根 § – 第十日Part III – 箱根湯本、回程、感想

【同分類下一篇】:[箱根] 第九日Part I - 小田急浪漫特快、大涌谷
No Comments

Post A Comment