03 12 月 [京都] 第八日Part IV – 清水寺、地主神社

我地又由《金閣寺》坐返成個鐘頭車返到洛東既”清水阪”，行大約十分鐘左右上山就去到《清水寺》啦。係”清水阪”既兩邊都開滿晒賣手信、記念品、京都特色食品既舖頭，總之就係做遊客生意。我地去到既時侯已經係四點幾，唔知點解我覺得《清水寺》係好早關門既；雖然D舖頭好吸引，我地都係快快甘行過，稔住去完《清水寺》返落黎既時侯先買野啦。

以前睇日劇、卡通片就見得多人畢業旅行去《清水寺》啦，原來係真架。我地係門口就見都先班著住校服既學生排晒隊係到影大合照（係右圖既地方）。另外係到見到唯一一次既藝伎，同一班講廣東話既團友輪住影相，甘我稔住等佢地影完就埋去同藝伎影返張相啦，點知個導遊話：『影晒啦，唔該晒~！』之後個藝伎就走啦~唉呀，原來佢唔係棟係到同人人都影相既忝，我就凈係可以影到佢既背影。

係網上搵到既簡介：

《清水寺》位於日本京都府，是日本最古老的寺院，建於西元798年，為平安時代之代表建築物，占地面積13萬平方公尺，由唐僧在日的第一個弟子－慈恩大師創建，後來曾多次遭大火所焚毀，現今所見為1633年德川家光依原來建築手法重建，寺院建築氣勢宏偉，建造過程中無使用一根釘子，而寺中六層炬木築成的木台為日本所罕有。

清水寺與金閣寺(鹿苑寺)、二條城等同為京都境內最著名的名勝古蹟，除此之外，清水寺又與石山寺，長谷寺等寺廟並列，自古以來就一直以嗣奉觀音的廟宇而為人所熟知，也是在關西地區參拜33所觀音廟的巡訪活動中第16所寺廟。1994年，清水寺以身為古都京都之文化財之一部分，列名至世界文化遺產中。

清水寺因寺中清水而得名，順著奧院的石階而下便是音羽瀑布，清泉一分為三，分別代表長壽、健康、智慧，被視為具有神奇力量，流水清冽，終年不斷，被列為日本十大名水之首，清水寺因此而得名。

清水寺為棟梁結構式寺院。正殿寬19米，深16米，大殿前為懸空的”舞台”，由139根高數十米的大園木支撑。寺院建築氣勢宏偉，結構巧妙，未用一根釘子。寺中六層炬木築成的木台為日本所罕有。

舞台的建築，巍峨地聳立於陡峭的懸崖上，景色自是美妙，失足掉落下去休想有命，以至日語裡誕生出一句成語来：「從清水的舞台上跳下去（清水の舞台から飛び下りる）」，用来形容毅然決定地做某一件事。

要睇到”清水舞台”就當然要俾入場費啦，每人300円。張”飛”有秋天紅葉既景色，我地去既時間仲見到佢既廣告話十一月會開夜晚俾人睇紅葉，但我地去既時侯仲未有紅葉睇，係少少既遺憾。

睇下相先啦：

“清水舞台” | 仁王門 | 係”清水舞台”望出去

買入場卷既地方 | 入去前見到既神？

之前咪話過見唔到紅葉有少少違憾既？嘻嘻，等Photoshop幫下我啦，哈哈

—————————————————————————–

《地主神社》係係《清水寺》裡面既，係我地行”清水阪”上黎既時侯仲稔住去完《清水寺》先再去《地主神社》忝。呢到係好出名求姻緣既神社。

係網上搵到既簡介：

神社內良緣之神極受年輕人的喜歡，在這裡終日可見祈求良緣的年輕女性虔誠參拜，熱鬧非凡。地主神社裡有一對相距10米遠的『恋占いの石』，相傳如能閉著眼睛從這邊的石頭走到對面的石頭前，兩個人的戀愛便會如願以償。如走偏了，很可能要出現一些波折。地主神社內還有『幸福鑼』，敲響『幸福鑼』，其響可達愛神之處，以求愛神恩賜良緣。總之，神社內的一切無不牽動為戀愛所煩惱的少女之心。

入門口處

由上圖個塊『恋占いの石』開始行到右圖呢塊『恋占いの石』，但我覺得係冇咩可能係我地去個時試到既，因為個日有個畢業旅行團，加埋唔少遊客，唔好話合埋眼行，就算睜開眼行都行唔都條直線囉。嘻嘻，所以我地都冇試啦。

係麥包後面既就係『幸福鑼』啦，但個日我地跟本唔知『幸福鑼』係咩黎？所以冇敲到。

《地主神社》係我地去過甘多間寺廟裡面最多人既，連買符都要排隊；哈哈，求姻緣既果然係特別受歡迎既。

—————————————————————————–

跟住我地出返去”清水阪”睇野同買野啦~！第一眼見到既就係”八ツ橋” – 係京都賣和果子好出名既舖頭。入面好似”優の良品”甘，有好多唔同既野食俾人試，試過鍾意先買。我地就買左佢地既”抹茶もち”（左下圖），係綠茶皮，紅豆餡，唔錯、唔錯。

之後行既每間舖頭都有Hello Kitty既電話繩賣，雖然好得意，我debate左好耐最終決定唔買啦，因為買甘多都唔知掛係邊到好？但我就買左日式傳統既袋（右下圖），覺得幾靚，稔住用黎裝化妝品既。

點知返到西雅圖，係我地買開[食送]既日本超市都有得賣”八ツ橋”既”もち”喔（下圖）~！價錢都係貴左幾十円咋，都係綠茶味，但有少少唔同；就緊係冇係京都新鮮食甘正啦，但都唔差既。

搞左成日，先發覺我地連lunch都未食？？好肚餓喔~去食蟹啦~！

《待續~》