[京都] 第八日Part V – かに道楽

1864722306.jpg
《かに道楽》係日本有好多分店,我地就揀左去係”河原町”既”京都本店”到食。今日朝早叫酒店既concierge幫我地訂左六點,我地去到先知原來佢幫我地訂左”個室”(私人房),呵呵~真係好貼心喔

未講食蟹之前,先講下搭車既小插曲啦~本來係《清水寺》搭車去”河原町”好快,十五分鍾左右就到,但係唔知點解搭車個時我以為我地係去”袛園”,今次真係搭錯車啦,仲要懵到去到”袛園”落埋車先知自己搭錯車,哈哈,麥包都頂我唔順囉~!所以又一次證明好似我甘大懵既人買One Day Pass係岩既~!甘我地又搭過第部巴士去”河原町”啦。

一入門口就有個著和服既靚女reception,我同左佢講我地訂左六點;跟住唔知係邊到又有另外一個出黎幫我地收埋對鞋(呢到係需要除鞋先入得去既)。

1864722306.jpg

睇下我地間房先~門口有我個名,係和室設計,好有情凋;唔駛跪係到食,張檯下面係空既;房唔算好大,但我地兩個人就好夠用咯。最重要係好private,食蟹食到冇咩儀態都冇問題






1864722306.jpg

我地叫左兩個套餐,一個係個時既”秋季限定”既”網焼会席”,而另一個就係係普通menu上揀既,我已經唔記得點個套餐包邊樣野啦,甘就由上菜既先後次序黎講啦。



1864722306.jpg

先黎既下『季節の前菜』 – 有魚餅同埋蝦。蝦係有mayo同魚子嘮過既,好好味;魚餅就同普通既魚餅差唔多。



1864722306.jpg

『食前酒』 – 唔會太大酒味,反而有少少果汁既感覺,幾好味架。



1864722306.jpg

『かに酢』 – 酢蟹 – 個汁係酢黎既,好似食中式蟹舔酢甘,好好味喔~。



1864722306.jpg

『かに造り』 – 跟住呢個係蟹刺身,有兩個唔同既擺盤,但D野食係一樣既。個蟹刺身係我地覺得全個套餐最好味既,好鮮甜架。



1864722306.jpg

『大ズワイかに網焼き』 – 炭燒雪場蟹,相入面個個就係我地既靚女”市應”啦,佢非常之溫柔架,把聲仲好甜忝。哈哈~就係因為有佢,麥包覺得餐飯都特別抵食忝~嘻嘻~佢幫我地將D蟹同埋配菜放上個炭爐到,同我地講話D蟹變白色後就可以反轉佢,烤多一陣就食得架啦。



靚女走左,到我黎煮啦~呵呵~



1864722306.jpg

煮好啦,食得~炭火燒既係唔同D,好有BBQ味,舔埋係蟹蓋上面既”昆布味噌”醬(唔係蟹膏黎架,我都想 / 更正:原來日文既蟹膏都係叫”味噌”﹐所以係蟹蓋上面既”昆布味噌”醬係真係蟹膏加咗昆布味嚟㗎~﹗),又或者舔鹽同籮白泥(我稔係籮白泥卦?)都好好味。



1864722306.jpg

『かにサラダ』 – 沙拉加埋日式醬汁,清清地,唔錯、唔錯。



1864722306.jpg

『かに茶碗蒸し』 – “茶碗蒸”入面有蟹、蝦同埋…唔記得啦,哈哈,不過好味,D蛋好滑。



1864722306.jpg

『かにグラタン』 – 芝士鋦蟹,有好重既芝士味,我覺得唔係甘食到蟹味,同埋都幾”漏”下。



1864722306.jpg

『タラバかに揚出し』 – 酥炸黃帝蟹,好大塊,有啖啖肉既感覺~



1864722306.jpg

『かに天ぷら』 – 蟹天婦羅好好味,唔會話有”油淋淋”既感覺,連配菜都唔差。



1864722306.jpg

『かに寿司』 – 全部都係蟹肉整既壽司,我既至愛就緊係最右手邊個個”蟹肉刺身”軍艦壽司啦,好美味喔~可惜得一個,麥包冇得食。



1864722306.jpg

『かに釜飯』 – 蟹肉鋦飯,D飯好有蟹味,熱辣辣,正~!



1864722306.jpg

其實食完D蟹壽司時侯我地已經好飽架辣啦,食埋個飯就真係飽到飛起~但又好好味喔,所以我地都清晒佢。



1864722306.jpg

『吸物』 – 蟹肉清湯,真係好清,飲唔出有咩味,哈哈~但佢既魚阪都係蟹既樣,好得意喔~



睇下我地既食相:食第一、二道菜既時侯,我地都好”斯文”架,用晒刀、叉甘。跟住麥包就話:『我地係咪同隻蟹做緊手術呀?』到後來,用”做手術式”食法可能到天光都未食完,我地都係用返”原始人式”食法(用手)好D。




1864722306.jpg

『デザート』 – 到食甜品啦~是日甜品係芒果布甸。



1864722306.jpg

『アイスクリーム、お抹茶かけ』 – 呢個係雲呢拿雪糕加即席沖既穠縮綠茶汁,有好穠既綠茶味。由又熱又帶甘味既綠茶,撞又凍又甜既雪糕,個口感好得意。

1864722306.jpg


係埋單既時侯,我同麥包都稔緊駛唔駛俾貼士呢?雖然睇旅遊書話日本係唔駛俾貼士既地方,但又真係唔知佢係話食碗拉麵唔駛俾呀?定係話度度都唔駛俾呢?甘我地都係覺得俾好D,佢唔收先算咯。個結果係:佢地真係唔收架,所以我就用本來稔住俾貼士既錢去買左個Kitty啦,哈哈,重有錢找返忝。



飲飽食醉後,我地就搭巴士返酒店,”拿拿臨”執埋行李,聽朝晨甘早五點幾就要起身,去搭六點幾既新幹線返東京,之後就搭10:00am既”浪漫特快”去箱根囉~。

箱根見~

呢篇比較多相,睇唔到既話就試下”refresh”多次啦。

《待續~》

【同分類上一篇】:[京都] 第八日Part IV - 清水寺、地主神社
2 Comments
  • can+dy^-^
    Posted at 15:10h, 30 12 月 回覆

    我去京都都打算去呢間食飯,咁係咪一定要訂位呀?walk in得吾得呢?<br />
    同個meun有無英文呀??我驚我吾識睇喎.<br />
    thank you

  • mctea
    Posted at 20:39h, 30 12 月 回覆

    我有個friend上次去東京食都冇訂位,所以我稔唔駛訂位都OK既,除非係節日啦。我<br />
    訂係因為我凈係得佢晚有時間去食,又唔想等位(其實我都唔知walk-in駛唔駛等?),<br />
    咪訂左先囉~<br />
    <br />
    佢地有英文menu架,而份menu仲係圖文並茂,唔駛驚,肯定冇問題 ^__^

Post A Comment