[東京] 第六日Part III – 淺草寺、雷門、仲見世通り

22 11 月 [東京] 第六日Part III – 淺草寺、雷門、仲見世通り

Posted at 05:50h in 07日本 - 東京 by mctea 2 Comments

原來由《自由が丘》去淺草站既《淺草寺》係要成個鐘頭既，我地去到都差唔多天黑啦，《淺草寺》都已經關左門，但肯定冇因為甘樣已少左人，無論係係《雷門》定係《仲見世通り》都係人頭湧湧；特別係係《雷門》個燈籠下面，有超多既人爭住同佢影相。睇下我地張相，係咪有唔少”佈景版”呢？我稔我地都做左唔少人相入面既”佈景版”~

講係歷史先啦，係我係網上搵既：

淺草寺（せんそうじ），又名金龍山淺草寺，是東京都内歴史最攸久的寺院。山號為金龍山。供奉的本尊是聖觀音（しょうかんのん）。根據寺傳的資料，推古天皇36年（628年），於宮戶川（現・隅田川）捕漁的檜前浜成・竹成（ひのくまのはまなり・たけなり）兄弟於漁網發現了一專佛像。就是淺草寺本尊的聖觀音像。兄弟的主人・土師中知（はじのなかとも）拜了此佛像之後出家，把房屋改成寺廟來供奉。這是淺草寺之始。

江戶時代後半，境内「仲見世」地區開始出現商店與芝居小屋，亦有賣藝人集中，成為當時庶民的娛樂中心。直至近代，淺草依然是平民的繁華街，娛樂場所發達，淺草寺作為此處地標。明治初期被指定為公園地、1885年（明治18年）於表参道兩側的「仲見世」漸漸變成近代的磚造建築物。1917年（大正6年）開始上演日本語的喜歌劇「淺草OPERA（淺草オペラ）」，於電影普及之前，大衆演劇盛極一時。第二次世界大戰後的淺草，由於東京都内其他娛樂場所的多様化發展，而經歷一時衰退。但是作為東京代表性的觀光地，加上羽子板市、燈籠花市等活動，觀光客與善信不絕。

雷門－表参道入口之門。切妻構造八脚門，左面的是風神像，右面的是雷神像，正式名稱為「風雷神門」，通稱為「雷門」。慶應元年（1865年）被燒毀、1960年（昭和35年）、約1世紀之後以鋼筋混凝土再重建。門内置有實業家松下幸之助於淺草觀音祈願之後病癒，作為報答而寄贈的大燈籠。

我地同個《雷門》燈籠影完相之後入去《仲見世通り》，入面有99%既舖頭都係做遊客，特別係由佢地既T-shirts睇得出，好多都寫住”侍”、”日本一番”等等既字眼，又或者係印滿唔同”浮世繪”係上面既。我地都凈係睇，當然冇買啦，點著呀，哈哈。

但佢既野食就好吸引啦，見得最多既就有炒麵（焼きそば）、雞串燒（焼き鳥）同埋燒墨魚丸（たこ焼き），每樣大約都係五百円到，我同麥包都覺得好低食。因為仲稔住留肚食飯，所以放棄左試麥包好鍾意食既炒麵，我地買左雞串燒同埋燒墨魚丸試下。雞串燒一個order有五串，買個時佢問我地想要全部雞肉串，定係雞肉+雞皮各一半？嘻嘻，我地緊係要全部雞肉啦，凈雞皮唔岩我既。佢會係你order之後先燒，所以好”新鮮”，火侯岩岩好，D雞肉仲好滑。燒墨魚丸好大粒，入面粒墨魚都唔細，好味、好味，嘻嘻。另外麥包仲買左個雷門樣既”人形燒”黎食，仲熱架，原來熱既時侯食係好軟，好味過凍食好多架。