08 9 月 馬來沙爹屋
星期五晚我同麥包都唔想煮，多數都會出街食；今個星期五我地稔黎稔去都唔知想去邊度食好（有時真係幾頭痛），最後就決定去我地多數會同屋企人先去既”馬來沙爹屋”到食，因為我想食佢個到既甜品。聽個名都知，呢間係食馬來西亞野食既地方，但個老細就好似係中國人（唔知係咪馬來西亞華僑呢？），D野食都好似好正中甘。（哈哈，呢句話係由未去過馬來西亞食過”正中馬來西亞菜”既我講既，可信性就…嘻嘻）
第一樣係頭盆，叫”印度麵包”，食落係好似將類似crepe甘既”麵包”沾上咖哩醬汁黎食，好美味架，係我次次去食都必點既。
“馬來沙爹屋”最出名既就係佢地既沙爹串燒，有雞肉同牛肉揀，舔埋個特製辣辣地既醬汁好好味，好多汁，我個人覺得牛肉好味D，但雞肉都唔差。
呢個叫”三巴魷魚+煆”，”三巴”係個醬汁個名，本來係menu到凈係可以揀魷魚或煆既，但麥包問佢地可唔可以一樣一半，甘又得喔，所以我地就整左個combo啦。個味道唔識得講，就係好似東南亞食品甘，幾濃味甘囉。
最後就係甜品，個名好特別，叫”ABC…唔記得啦”。係刨冰黎，有唔同既豆、涼粉、珍珠、花生等等係入面，再加上甜甜地既汁，就好似台式刨冰甘，好味。
其實佢地仲有個芒果shake都好好味架，係用鮮芒果整既，但因為要留肚食甜品，就無叫到啦。
No Comments