26 5 月 不知明的韓國餐廳

星期四晚同麥包既韓國朋友（同埋佢老公）去食韓國野食，間餐廳係佢地介紹既，連個門牌都係韓文，所以我食完都唔知佢叫咩名？哈哈，但呢餐真係好好味喔！個餐牌係有英文既，但係個韓國朋友話寫係黑板上既specials先係最抵，甘寫咩文？當然係韓文啦，好彩同佢地黎，哈哈，甘我同麥包就話又佢地發版啦，我地凈係想食架咋，嘻嘻。甘就有以下既野食啦~

呢到既”韓國海鮮pancake”（唔知係咪甘叫，但我地自己去食韓國野既時侯，呢個叫法佢地都聽得明）係我食過最好味既，係係個鐵板上上菜，所以好脆、好香，另外海鮮既份量都唔少，仲好大件忝。最特別既就係佢既醬汁，辣辣地，好好好好味架。因為太好味啦，唔記得左影相，係上面張相都睇到少少放左係我地個碟到既pancake既。跟住仲有以下既野食：

___________________________________________________________________

韓國出名豆腐湯，比其他地方食到既辣，但好味。–>

<-- 呢個我都唔係好知係咩黎？但食落好似係臘腸既皮，但係有米粉係中間，舔埋少少鹽食，都幾好味。

韓燒牛仔骨，同平時食開既差唔多，但就嫌有少少肥 –>

<-- 鐵板燒鯖魚，完全食唔都腥味（因為我平時覺得鯖魚好腥），好味~

最得意既就係佢既石頭紅米飯，韓國人鍾意張飯裝起，加茶落去飯焦到，好似茶泡飯甘食。–>

下次都想再食過，但唔知唔識韓文既我地叫野食掂唔掂呢？