18 11 月 [東京] – 第六日Part I – 日本電視台、”麵包超人”店、汐留拉麵店
《10月13日》
今日黎汐留係想試下好出名既《汐留拉麵》既。我地特登早少少去到，一來可以行下周圍既舖頭，二來可以唔駛排隊排甘耐。哈哈，我地真係好早，係未有人開始排隊，甘我地就先去係《汐留拉麵》隔離既《日本電視台》手信店到睇下先。麥包呢個時侯就話：『又係電視台？乜日本有甘多電視台既咩？好似去到邊度都有間係附近甘既？』（哈哈，似唔似便利店廣告呢
？）
呢間手信店入面有兩層，擺滿晒好多同電視節日有關既Tees、毛巾、餅乾、電話繩、簿等等，各種各樣唔同既野都有得賣。係底層既最入面俾我地見到個超可愛既《龍貓》corner（右圖），有大、中、細龍貓，貓巴士，霉炭屎，仲有次子忝
~！嘻嘻，好想搬晒佢地返屋企，但當然冇甘做啦，因為呢個係display only~!
睇係相先：
細龍貓、霉炭屎 | 半睡半醒既龍貓 | 次子
—————————————————————————————–
行完手信店，就過隔離既”麵包超人”店到睇下。門口放左架麵包超人車，好得意架，連唔係特別鍾意麵包超人既我都想攬下入面既超大麵包超人
。而舖頭入面賣既野都係有麵包超人個嘜頭，但大部分都係俾細路玩既玩具居多。呢到係星期一至星期六既十一點鐘開始賣個數限定既”麵包超人”麵包禮盒。每個禮盒有六個唔同既麵包，好靚架，一盒1,260円。我同麥包得兩個人，點食六個包喔？甘我地就買左有得單品發售既”麵包超人”紅豆包兩個啦，每個210円，紅豆餡好香，都好好味架。
—————————————————————————————–
係我買紅豆包既同時，麥包就開始係《汐留拉麵》出面排隊，唔晒幾耐就有得食啦，我地兩個當時個肚都打晒鼓囉。好好彩，第一輪就入到去，基本上係唔晒點等既。入到去，原來係要用個自動販売機落單先，入到去凈係俾
張餐卷佢order既。第一次用自動販売機買拉麵食，唔識點買忝？我地以為係order左先俾錢，但原來係要俾左錢部機先會有反應既。而家稔返又係喔，係自動販売機到買野飲都係要俾左錢先喔~
！店內唔係好大，有好多吧位，我地唔晒等幾耐就有得食啦。
先黎既係蟹湯底既拉麵，有好濃既蟹糕味，好香、好香。而拉麵都好彈牙爽口，D叉燒都好好味；但我覺得佢既個湯底就肥左少少，食到尾會有D滯。
雞肉飯：呢碗飯清淡好多，真係岩晒黎中和返碗拉麵。
炒豬肉飯：呢碗就香口過雞肉飯，味道方面唔係好記得啦，凈係記得都唔差既。
整體黎講，《汐留拉麵》都唔差，但就真係冇傳說中甘好味、甘正啦；可能係我地黎食既時侯希望太大卦？
好啦，去《自由が丘》囉~！
《待續~》
匿名訪客
Posted at 12:16h, 20 11 月Hi Mctea,<br />
<br />
This is Panda, I jus finished my trip to Masalili, so tired!! But they are very <br />
professional, Roger is back and he takes pics for us.
mctea
Posted at 16:39h, 20 11 月Hi Panda,<br />
<br />
I'm glad that you had a good time at Masalili. I also heard that Roger's back now…<br />
heehee…good for you ^_^ <br />
<br />
Do you mind sharing your pictures with me? ^^
匿名訪客
Posted at 17:33h, 20 11 月Sure~ once i get it I will…but should be awhile since I ask my TW fd to pick up for me.
mctea
Posted at 16:08h, 21 11 月No problem, just leave me a msg when you receive it 🙂