23 6 月 Re-ment – 決擇

呢幾日係網上拍賣到見到有人預售Re-ment既迷你屋（Petite Housing ぷちハウジング），個listing都幾得人驚架，佢要買家而家俾錢先，都七月下旬間迷你屋出既時侯先寄俾你。嘩~唔係卦？我覺得網上預售好似唔駛俾錢先架喔？就算係真係需要俾，都係俾落訂既10-50%不等，到一有貨佢就即刻charge你張信用卡，好少話會俾晒全數先囉。我個日去Re-ment既網頁到都唔見話有得賣，係唔係真係出到唔知？甘拍賣既買家咪得個”等”字？

但今日上去Re-ment既網頁睇就見到真係有得買啦，暫定7月21日出售。個網頁話：全間屋係米白色加啡色門同地台，天井同正面都係可以開得既透明設計，而牆壁就係用磁石組合，方便簡單。當然啦，佢既門同窗都係可以開既。如果你買幾間既話，仲可以層層疊甘變成兩層既複式大屋，做成有玄關、大廳、廚房、書房、大人房、細路房、花園等等（我就唔會甘做啦，唔係破產都有份）。另外，亦可以變成咖啡室，麵包店，餅店忝（而呢個就係我既打算啦）。

但講返轉頭，呢”四道牆”賣成5,000円，即係成四十幾五十蚊美金，加上佢甘大份（430mm x 300mm x 310mm），如果真係買都唔會去日本或香港買左令返啦，多數會用郵購架啦，甘加埋郵費最少都十幾蚊既話，咪變成六十幾蚊美金買”六塊塑板”返黎？好~貴~呀~！我都仲稔緊買唔買好？仲有成個月先出，稔下稔下啦。

商品名：ぷちハウジングシリーズ「快適大空間　ぷちハウジング」
価　格：4,726円（税込み5,000円）
発売日：2007年7月21日（土）発売予定
種　類：1種類（カラー：オフホワイト×ブラウン)
本　体：組立時 – 430 x 300 x 310mm

(*pictures provided by Re-ment)

【同分類上一篇】：Megahouse - 白くま店長のアイスはうす ＋ 和うさぎの甘味屋さん

【同分類下一篇】：Re-ment - 食べ歩き（街頭小食）