29 12 月 [箱根] 第十日Part I – 箱根吟遊 – 日式早餐篇

《10月17日》
一朝早起身,又去浸完溫泉,嘻嘻,跟住又食早餐啦。呢到既早餐有日式同西式揀,我地都覺得西式冇咩特別,所以都揀左日式既。早餐就冇尋晚個餐懷石料理甘formal,冇menu睇(所以以下係我”不負責任”既描述),亦冇一樣、一樣甘出菜,係全部一次過令晒出黎(上圖)。但都有好多、好多野食;對平時一個飽就叫”早餐”既我同麥包黎講,可能係我地食過最飽既早餐喔~!麥包仲話:『嘩~食個早餐,甘多碗碟,唔知邊個洗呢
?』傻瓜~
!
先黎有梅煲白粥,佢係令兩個細細既煲入黎間房到煲,大約五分鐘後就食得,個煲蓋就係個碗。呢個用梅黎煲既粥好似係日本人好常用既煲粥方法(下左圖)?



跟住有豆腐 – 將一小塊放係個碟到,加埋柴魚、荵花同埋甜甜地既豉油就食得(上右圖),都幾好味架。
再黎就有呢個好靚既擺盆:
包括有呢碟”醃菜”,係用酢醃既,因為我同麥包都食酢醃既野食,所以覺得幾好味。
呢三個好得意既盒入面分別有昆布茸、鹹菜、同埋魚餅,應該係用黎”送”粥既。
呢碟係”ねぎトロ” – 係用鮪魚腩茸撈埋D荵花、紫蘇一齊食既,通常見到既都會用佢黎做”軍艦壽司”,就甘食我都係第一次,不過好好味。
沙拉 – 我食唔落啦,所以麥包食埋我個份,我都唔係好知呢個咩味?
煎魚 – 係日式早餐必備既,好味、好味~
呢個湯有茄子、豆腐、同埋魚板,好清淡,都唔差既。
“茶碗蒸し” – 蒸蛋,同普通既蒸蛋差唔多,但佢上面既呢塊魚餅就整都好似秋天既紅葉甘,好靚喔~!
白飯同埋用蜆肉煮既味噌湯,不過不失甘啦。
甜品就係溫室蜜瓜,好甜好多汁架~
§箱根§ – 第十日Part II – 箱根吟遊 – 購物篇
No Comments