20 11 月 [東京] 第六日Part II – 自由が丘スイーツフォレスト（Sweets Forest）
《自由が丘スイーツフォレスト》可以話係個甜品世界，佢好似糖果森林既入口會令你覺得真係去左甜品森林甘，好夢幻。入面有八間東京著名既甜品店
，其中五間以呢到作為佢既旗艦店；而另外既三間就會定期由唔同既舖頭係到開舖。每間甜品店都有唔同既theme，好似有傳統日式和菓子，炒雪糕，法國梳乎厘，甚至（日本人眼中既
）港式甜品都有。
係《スイーツフォレスト》中間有個叫”Puit d’Amour”既”愛情井”，我地覺得好得意，就同佢影返張相，影得好黑，嘻嘻~！
睇下甜品先啦，係咪好想食呢？我而家睇返都流口水喔~
行完全場，我地決定買呢兩樣黎試下。
下左圖既就係係《フュテ ド リーブ》到買既”ミルフィーユ オ マロン”：底層既兩塊千層酥中間係好香既custard cream；上層係我好鍾意食既栗子cream同真栗子一粒，而中間就有同底層一樣既custard cream；最上面就係好鬆脆既大大千層酥。超好味
，日本既甜品果然係唔太甜，好岩我~
下左圖既就係《HONG KONG SWEETS 果香》既”九龍（クーロン）”：佢係將唔同既生果包係果凍入面，整得好靚；味道方面就甜甜地，都幾好味，但就唔夠”ミルフィーユ オ マロン”好食。
開餐咯~睇下麥包係我食緊既時侯做緊咩？ | 真係好好味甘喔~！
食完飽晒
，呵呵~， 去行街囉
~
《自由が丘》係賣雜貨（生活用品）出名既，聽講話有唔少日本既女仔都好鍾意同三五知己
黎呢到行街同買野。《自由が丘》其實唔係好大，多數舖頭都係集中係車站周圍；但係D路就九曲十三彎，最岩就係亂甘行，可能會搵到驚喜都唔定。我覺得佢既舖頭有好多都好有特色，由家具用品到靚靚餐具，甚至連名設計師既家施都有得賣。我見到好多餐具都好靚，但因為容易打爛，冇買到，所以我既收穫就係呢對茶羹，特別在佢地既尾部分別有個茶壺同茶杯，我覺得好得意，稔住嚫我對白色茶杯就岩晒啦，嘻嘻~！
行行下，我地仲見到呢間”Dalloyau”既有名法國甜品店，就買左個macaron試下，都好好味，但個人比較鍾意Pierre Hermé既多D。
“自由が丘スイーツフォレスト”網頁：http://www.sweets-forest.com
《待續~》
No Comments