15 6 月 溫哥華再一日遊

其實我最少幾個月都會去一次溫哥華，因為我會去個度剪頭髮。今次都可以話係幾突然既決定，麥包突然話今個禮拜得閒D（哈哈，定係想話下幾個禮拜會仲忙？），所以今個禮拜去會好D。加上我由下個禮拜至七月中返工都會好忙，今個禮拜去對我黎講都會係比較岩timing既。既然係去過甘多次，我地當然就唔會再去遊客區啦，去主要既目的都係剪頭髮，其次就係去pick up我係ebay上訂既”Re-ment食器棚”（遲D再寫）同緊係唔少得既食、食、同再食啦。

先講食既部份 – 我地中午就稔住去食好耐冇幫趁過既”I Love Sushi”，因為佢個壽司Lunch Special好正好抵食，但點知去到先發覺佢地個名係就係冇變，但就真係好似轉左手啦，甘我稔住食既Lunch Special就緊係冇埋啦。但佢地有第二個唔同既Lunch Special，係以便當型式為主既，麥包就叫左個黎試下（左圖）。唔係講笑，呢個便當真係好大~~~~份！有天婦羅唔件，有兩件仲係超大隻既炸蝦；炸豆腐兩件；烤豬肉丼；加州卷四件；三文魚生三件，同吞拿魚生兩件。

而我就叫左個”雜錦生魚片飯”（ちらし）食，有三文魚、吞拿魚、蛋、北極貝、八爪魚、蟹柳、蝦等等。我地令外再加多碟”炸原隻軟殼蟹”做頭盆。

真係稔都稔唔到樣樣都甘大份，所以我地點都係食唔晒架啦，個加州卷同軟殼蟹都要令返屋企食。嘻嘻，第二日我就將碟軟殼蟹加工，變成”軟殼蟹飯團”~都幾好味架。

因為lunch食得太過飽，滯到夜晚，加上我地太o卦住香港既野食，所以就去食food court算啦，至於食左咩，都係同上差唔多啦，只係加左碗”燒鴨瀨”（下圖），好正呀~！

講開食，我地經過上次去食過既”星馬印（Tropika）”餐廳，無意中發現係門口有幾個微型泰式餐廳廚房既陳咧，係個玻璃廚窗入面，整得好精緻架，好似係用整”麵粉花”既材料整甘既。

到最後，我地係車度等過關返西雅圖既時侯見到既黃昏（定係黃昏過後？），都幾靚架，甘就總結左今次平淡既一日遊啦。

【同分類上一篇】：溫哥華一日之旅

【同分類下一篇】：溫哥華一日婚紗之旅