06 3 月 【香港】鮑魚宴於《東海海都酒家》
※08年11月22日※
返美國之前嗰晚同屋企人去咗《東海海都酒家》食晚飯。點解去呢到
﹖其實我之前都未聽過《東海》㗎﹐不過媽咪話爸爸想去《東海》食鮑魚喎﹐所以就去咗《東海》喇
。
我哋本來想點幾隻鮑魚﹐再加幾樣餸嘅﹔但個waiter就話﹕「想食鮑魚嘅話﹐不如點個套餐啦。」﹐就介紹咗個每位有一隻四頭原隻乾鮑嘅套餐俾我哋睇。睇落都真係唔平喎﹔你問我嘅話﹐我跟本都唔知價
﹐但爸爸見到個套餐就話抵食好多﹐咁就套餐啦(六位用)﹐雖然我覺得我哋一定食唔晒﹐可能分開叫會抵D﹐不過無所謂啦。
去返《東海》個網頁都已經揾唔番呢個套餐喇﹐不過有個幾似嘅﹐只係唔係四頭鮑嗟﹐但就平咗。講下食咗咩先
。
『大紅乳豬全體』
因為我哋係點咗六位用嘅﹐就只有半隻乳豬(十二位就會係”全體”喇
)﹐OK好味喇﹐我都唔係咁仲意食乳豬。
『上湯泡蝦球』
蝦球好爽﹐好新鮮﹐但唔知係咪用上湯浸嘅關係﹐冇咩味咁嘅
﹖
『紅燒大鮑翅』
呢樣就好好味喇
~﹗
睇下﹐都好足料㗎
。
『蠔皇原隻乾鮑扣鵝掌』
主角到喇﹐都OK大隻﹐鮑魚整得好稔﹐好好味
~﹗
『清蒸東星/老虎班』
唔記得咗套餐內包嘅係東星班定係老虎班﹖
後來waiter話套餐內包嘅賣晒﹐就轉咗另一樣﹔總之平D個條就係我哋食咗個條喇﹐不過都幾好味。
『脆皮炸子雞』
食到嗰時都已經好飽(因為之前岩岩先食完《麻布茶房》)﹐加上我唔係咁鍾意食炸子雞﹐就冇食到﹐唔知味道如何﹖
『福如東海炒飯』
飽到食唔落喇
﹐不過麥包話個炒飯幾好味㗎。
『富貴美點』
睇好似係甜點咁﹐不過食落係鹹㗎﹐但就唔記得係咩餡咯。
『蛋白杏仁茶』『東海壽桃包』
『蛋白杏仁茶』唔記得影相﹐不過就係杏仁茶咁﹐無咩特別。呢個『東海壽桃包』就勁喇﹐超大個﹐我諗個包嘅直徑有成10cm﹐麥包話佢似「pat pat壽包」喎
﹐哈哈。入面除咗蓮蓉外﹐仲有一個鹹蛋黃。我冇食鹹蛋黃﹐驚胆固醇太高﹔淨食個包入面嘅鹹蛋黃味加埋唔會太甜嘅蓮蓉﹐美味喔
﹗
呢餐果然係有太多嘢食﹐我哋包咗多過一半返屋企﹐第二日仲變咗lunch食多餐先上機添~﹗價錢方面﹐我就覺得唔係話好抵﹐但同屋企人食得開心嘅話就咩都抵返晒啦﹐哈哈
。
《東海海都酒家》
九龍尖沙咀新世界中心三字樓
No Comments