17 1 月 08年聖誕溫哥華上海菜-《旺》
上回講到聖誕長假期﹐我哋同99上溫哥華﹐中午去咗《釣魚台》飲茶。飲完茶之後本來諗住係Richmond周圍睇樓嘅﹐但因假期關係﹐咩都冇開門
。事關我屋企人有諗過喺Richmond買返個condo﹔一切都係喺好初步計劃期﹐真係買唔買都仲係未知數
。我哋今次主要都係想去睇下個市同埋樓價﹐又要了解下唔係加拿大人喺加拿大買樓要注意D咩﹖
去唔成睇樓﹐就去匯豐問下買樓要注意嘅地方啦。又GST﹐又land transfer tax﹐又冇fixed rate loans﹗﹗原來加拿大買樓同美國係好唔同㗎~﹗頭都大埋~
﹗如果真係有興趣買嘅話﹐我仲要去睇吓加拿大同美國嘅稅要點報﹐都真係有排煩。
好喇﹐搞完一輪﹐又係時候去醫肚咯。呢間《旺》開咗都有幾個月㗎喇﹐岩岩開嗰時非常人山人海﹐所以上幾次去溫哥華都冇去食。今次早咗少少﹐好好彩唔駛等位。
『魚翅海哲』- 哈哈﹐D魚翅好硬﹐好明顯係假魚翅嚟。味道唔錯﹐但就鹹咗少少﹐同飯一齊食就OK。
食上海菜必點嘅『小籠包』﹐有好多好多湯汁喺包入面﹐但都係鹹咗D
。
呢個紙鍋做嘅煲令我諗起日本嘅『紙鍋蟹煲』
﹐覺得幾得意﹐就order嚟試下。本來想點『紙鍋蟹粉豆腐煲』㗎﹐但因99有膽固醇過高﹐就改『紙鍋海鮮豆腐煲』喇。味道OK﹐終於唔會太鹹喇~﹗
最後仲有『糖醋柳魚』﹐酸酸甜甜﹐都唔錯。
No Comments