25 8 月 結婚兩週年紀念之Jill Stuart

※※※※※※※※※※※※※※※※※※※※※※※※※※※※※※※※※※

繼甜蜜蜜卡片同Godiva gift card後﹐麥包喺結婚兩週年紀念前嘅幾個禮拜問我今年有咩想要﹖都話咗去旅行﹐其實我都冇諗住要送禮物俾對方㗎喇﹐但麥包話佢都係想送少少嘢俾我(但我就唔駛送嘢俾佢喎﹐哈哈哈)﹐問我有咩想要。我近排又真係冇咩想要喎﹐就連手袋﹑手飾都冇睇到款岩價錢又岩嘅。

諗起用開嘅Jill Stuart Mix Blush Compact都差唔多用完喇﹐都係時候入返D貨﹐就問麥包係咪真係想送D嘢俾我﹐係嘅話咁佢就sponsor我買化妝品咪當係禮物囉。嘻嘻﹐就係咁﹐今個週年紀念我嘅禮物就係化妝品喇。(當時我仲未知原來麥包仲有其它嘢諗住送俾我嘅)

【ミックスブラッシュ コンパクト Mix Blush Compact】- 上次買咗嗰盒01嘅”baby blush”就嚟用完﹐因為太好用喇﹐就再買多盒﹐但又唔想買埋同一隻顏色﹐就揀咗比較新嘅06 “flesh apricot”。我覺得兩盒其實分別唔大﹐只係06嘅橘色同桃紅色比較深色D。今日試過﹐覺得佢比01更顯色﹐真係搽少少就夠﹐應該會耐用D。

【プレストパウダー Pressed Powder】- Pressed powder個盒同盒粉係分開賣嘅﹐因為諗住帶出街補妝用﹐所以就揀咗近膚色嘅肉色﹐其它仲有粉紫同粉紅嘅修飾色系。盒粉都OK﹐係屬於matt系嘅粉﹐修飾油光最好﹔但個粉撲就太薄喇﹐唔係咁好用﹔個盒又係Jill Stuart嘅一貫低調奢華風加粉紅吊飾。

【ネイルラッカー N Nail Lacquer N】

Nail Lacquer N 係新改良版﹐樽身設計靚過舊款好多﹐樽蓋上有一粒粉紅水鑽。呢張相顏色影得較深﹐實物係近淡粉紅色D嘅﹐搽上手之後隻色仲再淡D﹐內有唔少閃粉﹐閃閃令﹐好靚㗎。最特別嘅就係佢係搽咗之後﹐酒精(天拿水)味好快就蒸發﹐淨返落嚟嘅係Jill Stuart化妝品獨有嘅清香味。

※※※※※※※※※※※※※※※※※※※※※※※※※※※※※※※※※※

唔知係咪今次買多咗嘢(另外仲有同呢個賣家買咗一堆Fancl)﹐所以samples都多DD﹖上面張相入面嘅全部都係samples嚟。分別有﹕

(下左圖)﹕磨沙用嘅Berry Scrub
(下右圖)﹕莓淬果露潔顏油﹑洗顏霜﹑柔膚精華﹑雙效調理液II﹑同埋肥皂

(下左圖)﹕雪紡絲柔粉餅+苺淬果露防護精華乳SPF30﹔包裝真係好靚。
(下右圖)﹕打開入面﹐一邊係粉餅﹐另一邊係防護精華乳。打開粉餅盒入面仲有個迷你粉撲﹐我覺得好用pressed powder入面嗰個添。

哈哈﹐咁多samples﹐有排試囉~﹗

※※※※※※※※※※※※※※※※※※※※※※※※※※※※※※※※※※