02 8 月 Jill Stuart莓淬果露體驗組
嘻嘻﹐冇幾耐之前先講過話近期唔會買Jill Stuart嘅嘢﹐但轉個頭又買咗喇
﹗無法啦﹐因為Jill Stuart有太多嘢都出限量版﹐我又係個見到”限量”呢兩個字就會忍唔住去買嘅人。不過近期都好忍得㗎喇﹐我冇買到限量版嘅”イルミナンス アイズilluminance Eyes”同埋”ミックスブラッシュ コンパクト イルミナンMix blush compact illuminance”﹐因為呢排真係洗咗唔少錢喇﹐遲D仲要補買返少少化妝品同埋留返D錢去旅行。
講返呢組《莓淬果露體驗組》啦﹐因為台灣方面嘅Jill Stuart專櫃會喺八月中推出Jill Stuart嘅護膚品系列﹐咁佢哋喺七月十五日就先推出兩組限量《莓淬果露體驗組》﹐分別係『水嫩清爽型』同『潤澤柔嫩型』﹐目的係俾人試下岩唔岩用先決定買唔買大支嘅版本(嘻嘻﹐我覺得另外一個目的就係揾我哋呢D見到”限量”兩個字就兩眼發光嘅人嘅錢先真
)。呢個做法又係同日本2006年10月首次推出Jill Stuart護膚品時一樣。日本方面就緊係賣晒好耐喇﹐所以我今次又係幫襯台灣賣家。
《莓淬果露體驗組 I (水嫩清爽型)》
我係混合性肌膚﹐所以揀咗『水嫩清爽型』。同Jill Stuart嘅化妝品一樣﹐個包裝好靚好精﹔而每一支試用裝都幾大支﹐(仲大支過樽《ジェリー アロマスポッツ Jelly Aroma Spots》)﹐肯定用到成個月。套體驗組有個化妝袋﹐外層係絨布﹐有lace圍邊﹐一條絲帶包住成個化妝袋﹐最後喺絲帶尾仲吊住個鑲有十三粒仿水鑽嘅”J”字﹐簡直就係華麗風嘅靚靚化妝袋
。仲有﹐入面係有拉鏈嘅﹐唔駛驚入面嘅嘢會跌出嚟。
《クレンジングオイル 莓淬果露潔顏油 50mL》
我而家用緊嘅係植村秀嘅《綠茶抗氧卸妝油》﹐網上人話Jill Stuart呢隻冇植村秀咁燻眼﹐等我試下再分享
。網上揾到嘅簡介﹕「莓淬果露潔顏油能徹底洗淨毛孔中的皮脂與黑頭粉刺並卸除彩粧，洗後充滿透明感。」
《クリーム ウォッシュ 莓淬果露洗顏霜 20g》
呢支聽人講話用少少就有好多泡﹐好耐用
。網上揾到嘅都係咁寫﹕「乳霜狀的莓淬果露洗顏霜能產生濃密細緻並富有彈性的泡沫，減輕肌膚負擔使洗後肌膚充滿潤澤。」
《ソフニング フルイド 莓淬果露柔膚精華 50mL》&
《ハイドロ フィラーⅠ 莓淬果露雙效調理液I 50mL》
至於呢兩樽﹐我喺網上揾到嘅用法就係﹕「苺淬果露柔膚精華用於洗完臉後的第一個步驟，能暢通保養滲透通道，提高後續保養吸收滲透力同時溫和去除老化角質；最後使用莓淬果露雙效調理液，一瓶兼具化粧水及乳液效果，達到簡單卻有效的保養，莓淬果露雙效調理液I添加大量保濕成分，觸感卻清爽不黏膩，能促使新陳代謝正常，改善角質肥厚及毛孔的現象。」
《コットン 化粧棉 28枚入》
最後仲有28塊化粧棉。Jill Stuart嘅化粧棉好大塊㗎﹐直情係我而家用開嘅兩倍﹐我諗我會剪開佢一半用。
嘻嘻﹐既然成套可以用成個月咁耐﹐不如就等返香港同去馬爾代夫個時用喇
。但個包裝咁靚﹐唔知會唔會唔捨得用呢﹖
can+dy^-^
Posted at 03:55h, 03 8 月真係好靚喎.,
版主回覆：(08/03/2008 04:59:08 PM)
Hi can+dy^-^﹐
係呀﹐靚就真係好靚㗎﹐但係唔知好唔好用呢﹖