29 5 月 Jill Stuart香水

嘻嘻﹐又係Jill Stuart﹐無法啦﹐佢除咗包裝靚之外﹐D嘢都真係幾好用㗎。但我諗今次會係近期內我買嘅最後一次Jill Stuart喇。同上兩次唔同﹐今次唔係同個日本賣家買。點解﹖之前咪話過台灣岩岩開咗兩間Jill Stuart嘅專櫃嘅﹐咁佢哋係4月25日首次公開發售呢支香水嘅時候會限量送出同款迷你4ml版香水。其實係日本岩岩出嘅時候都有送過㗎﹐但當然係N年前就已經送晒囉。台灣方面都好勁﹐聽講話係發售兩個鐘頭後就已經送完。就係因為同台灣嘅賣家訂會有呢個迷你版送﹐所以今次就冇幫襯個日本賣家喇。

支香水嘅樽身係呈八角形﹐周圍鑲咗仿水晶﹐而個蓋就整到好似粒鑽石咁。佢嘅design就係話『總有一日﹐我會收到真正的大鑽石(いつか、本物の大きなダイアモンドを手に入れられるように)』。哈哈﹐個概念就係有D搞笑﹐但個design就真係好靚囉。至於香味方面﹐唔知點解﹐我覺得係一隻好熟悉嘅香味﹐唔知係邊到聞過咁﹖我覺得好﹐麥包都好鍾意。講到詳細嘅香味分釋﹐可以睇JILL STUART網頁(連結係最後)。

以下就係送嘅迷你4ml版喇~﹗睇相好似好大咁﹐真實size仲短過我隻尾指呀。雖然冇鑲到仿水晶﹐冇咁sharp﹐但細細支﹐去旅行岩晒。

ジルスチュアート JILL STUART 香水簡介﹕
【日文版】
【英文版】
【中文版】

【同分類上一篇】：Jill Stuart第二彈

【同分類下一篇】：Jill Stuart莓淬果露體驗組