至於呢支就係【フルーツ　ハンドクリーム Fruits Hand Cream】﹐有兩個size賣﹐分別係29g同埋72g。我本來想買細嗰支﹐諗住放係公司用細細哋就夠。但後來諗下諗下都係驚細個支會太細﹐都係買支大嘅好D。好彩買咗大嘅﹐因為真係唔係好大㗎咋﹐我又差唔多次次洗完手都會搽少少﹐好快就會用完。呢支hand cream岩岩搽上手嘅感覺係﹐無論香味同手感都係好似搽咗蜂蜜上手﹐都幾”粘”﹐但過一陣就會好快吸收晒﹐岩冬天又或者喺有冷氣嘅地方用。

呢塊就係喺日本Jill Stuart專櫃好紅嘅【ハンドミラー Hand Mirror】喇。聽講話佢本來係非賣品﹐只係喺counter到俾人用嚟照嘅手拿鏡﹐但因為有好多人都話想買﹐所以喺今年二月先開始正式發售。咁我又點解會買呢﹖就係因為我哋個浴室塊手拿鏡實在係太舊啦﹐我同麥包平時都會利用手拿鏡反射喺牆上大鏡嘅畫面嚟照頭後面嘅頭髮﹐所以我覺得有必要買過塊新㗎喇。塊鏡俾我想象中細﹐但都照到﹐幾好用㗎。

盒眼影有少少特別﹐係07年聖誕嗰時出嘅特別限定套裝【クリスマスローズコレクション Christmas Rose Collection】入面嘅其中一樣嘢(其它仲有唇彩﹑護甲油﹑粉餅等等)。因為已經冇得賣﹐所以呢個賣家好好人咁幫我係日本嘅網上拍賣到投得嘅﹐佢仲冇收我手續費添~﹗個包裝同普通眼影唔同﹐係用粉紅色布加白色lace整嘅(下圖)﹐比普通眼影大盒D﹔顏色方面睇落都幾靚﹐但都未有時間試色。

最後就係賣家送嘅小小samples﹐Jill Stuart 果然係sell華麗嘅包裝﹐連裝samples嘅袋都真係好靚呀~﹗唔怪之得咁受歡迎啦~﹗