23 2 月 空運到的Jill Stuart

係網上睇過Jill Stuart既化裝品﹐覺得真係好靚﹔雖然Jill Stuart係美國人﹐但佢既化裝品只係係日本獨家發售(好似話今年會係台灣開專櫃?)。本來稔住上年去日本既時候買既﹐但可能佢真係好hit﹐成個化裝櫃台都擠滿人﹐係我地仲有其他地方想去既情況下﹐我就決定唔買啦﹐因為真係唔想麥包等我太耐。但返到黎美國之後﹐稔下稔下又心思思想買喔﹐就上網睇下有冇得賣啦。哈哈﹐俾我搵到個日本人﹐佢整左個website話可以幫人買Jill Stuart既化裝品﹐咁佢就收返少少傭﹐幫你去化裝櫃台到買﹐之後寄埋比你。我覺得都係貴左少少﹐都OK既﹐就買左啦。佢做嘢都好快﹐由order到收到貨頭尾都唔洗一個禮拜。

咁我買左咩呢﹖第一就緊係最多人買既Mix Blush Compact啦。成個包裝真係可以用”華麗”黎形容﹔靚到買左返黎都未必捨得用咁。最特別既就係佢盒粉同個掃係連埋既。個掃毛都好軟﹐但就係細左小小﹐不過compact size黎講就算好好㗎啦。顏色方面都好靚﹐搽起上黎唔會太紅﹐好自然。哈哈﹐但咁靚既包裝﹐我稔帶出街既話都係我而家用緊既IPSA”完美修型胭脂彩盒”方便D﹐呢盒都係留返係屋企用啦
。

另外仲買左盒四色眼影﹐盒既外型同樣係”華麗”既設計﹐成個盒都比較大﹐唔知係咪因為咁所以有些少貴呢﹖四隻色都有加閃粉﹐真係有好閃令令既效果。哈哈﹐但係我仲未得閒去研究邊隻色應該搽係眼既邊個部分。唔知點解﹐我屋企既眼影係用得最慢既﹐但又偏偏係我買得最多既﹐我稔呢盒又係有排都用唔完。

最後就係呢盒碎粉(Loose Powder)啦。今次係我第一次買碎粉﹐因為用開個盒Anna Sui粉紫色碎粉係我朋友N年前送俾我既﹔唔知點解﹐碎粉呢樣嘢係真係用N年都用唔完㗎﹖﹗N年後既今日﹐終於見底啦﹔係去買盒新既時候。本來稔住粉底液係用開IPSA﹐就碎粉都買埋IPSA啦。哈哈﹐但係見過Jill Stuart呢盒碎粉個靚靚樣之後﹐我就覺得橫掂兩個牌子既碎粉都好幼細﹑都有我用開既粉紫色﹐咁就買盒個盒靚D㗎啦。

P.S. 其實我都覺
得Jill Stuart既香水好靚㗎﹐但就唔知香唔香﹐唔敢買﹐不過如果係同佢既化裝品一樣香味既話﹐咁我稔我會買囉﹐哈哈~﹗

ジルスチュアート JILL STUART 網頁﹕http://www.jillstuart-beauty.com/menu.html

如果你都有興趣郵購既話就話我知﹐我再俾個website你喔~﹗