06 2 月 旅遊指南-東京一本就GO！

我好少買旅遊指南既，因為覺得上網已經搵到多到你睇都睇唔完既資料，再唔係去圖書館借幾本都睇到你唔睇囉；所以我上次去歐洲都冇買到。但去完返黎發現左個冇旅遊指南都幾唔方便既地方 – 就係落機後由機場去酒店，如果唔搭的士就會唔識路啦（去到酒店就唔成問題，因為酒店有地圖俾）！我地之前都唔知架，以為歐洲同美國一樣，係機場有地圖架嘛，點知歐洲係冇既（或我地搵唔到啦），我地又唔會搭的士去酒店既（貴到飛起！），所以一路問人都覺得麻煩囉。

今次見到有本好細型，又唔太厚；入面有好多唔同地方既地圖，好似新宿、原宿；加埋佢既插圖豐富（靚既插畫就係我既死穴），字又唔係太多，就買本黎睇下啦。