15 9 月 《歌聲魅影 – The Phantom of the Opera》

上星期六同麥包﹐麥包細佬&佢女朋友去睇百老匯歌劇《The Phantom of the Opera》(中譯﹕歌聲魅影)。呢套係我期代咗好耐﹐好想睇嘅歌劇。其實我同麥包喺幾年前呢個US Tour巡回嚟到西雅圖演出嗰時就想去睇㗎喇﹐但我哋知道得太遲﹐想去買票嗰時佢嘅門票已經全部售罄。幾年之後﹐佢哋又巡回到西雅圖喇~﹗今次有麥包嘅朋友好早就話我哋知(佢哋都有去﹐就坐喺我哋後面)﹐咁我哋亦喺幾個月前就買咗票囉﹐哈哈﹗

今次套歌劇係喺”Paramount”到做﹐呢次係我第二次去”Paramount”﹔而第一次係N年前去睇《Evita》﹐嗰時太過趕﹐根本就冇睇過佢入面嘅裝橫。今次我哋早咗少少去﹐有多咗時間周圍行下﹐先知原來入面係咁靚㗎~﹗唔好睇佢外表咁普通(左圖)﹐一入到去就好似去咗歐洲咁﹐好有宮庭色彩。因為入面係唔俾影相嘅﹐我哋影咗幾張就俾人叫停喇﹔再加上我哋帶得個compact相機去(諗住試下個新相機)﹐入面嘅相影出嚟嘅後果真係唔係好掂﹐如果想睇真D入面個靚景嘅話﹐可以去呢個BLOG睇。

我哋買嘅係”山頂”位﹐嘻嘻﹐但就算係喺”山頂”﹐都覺得套劇好好睇。加上我哋有帶望遠鏡去﹐其實人物嘅表情都可以透過望遠鏡睇得好清楚。

每個人都唱得好好﹐除咗把聲靚之外﹐咬字又好清楚。我去睇之前有睇過第一幕嘅synopsis﹐冇睇到第二幕嘅(因唔想知道埋個結局)﹐但就咁聽佢哋唱都好容易明白﹐其實可以唔駛睇synopsis都OK。

而我最鍾意嘅一幕就係講Phantom出現喺化粧鏡裡面，引Christine入去歌劇院嘅底部嘅途中，好夢幻嘅舞臺設計﹐整到好似佢哋真係喺Venice嘅河入面撐船咁﹐好浪漫喔~。

如果你有興趣知更多《The Phantom of the Opera》嘅嘢﹐可以去以下網頁﹕
http://www.thephantomoftheopera.com/us_tour/