18 11 月 婚紗相 – 第一日 – 試衫，溝通日
期代左好耐既婚紗攝影，今日終於出發啦。晨甘早就去到機場，真係好眼訓
，我係搭港龍八點幾班機，十點鐘左右就到桃園中正機場。之後搭”飛狗”巴士，每人NT$250，約兩小時後到達台中既”中清站”，再搭的士約十五分鐘就到瑪莎Lili。
當我地去到既時侯，靜怡係第一個同我地傾計既人。因為我地D國語真係麻麻地，開始時真係口啞啞，唔知點講好。好彩佢地都聽得明，哈哈~
靜怡話我地太早到，而家可先試衫，但要今晚返黎同Roger溝通。禮服小姐將我之前send俾佢地既file拎左出黎，真係surprise佢地記得，因為聽以前影過既姊妹話瑪莎多數都唔記得我地有reserve衫。好失望，禮服小姐話我知我想著既紅色旗袍已經俾人買左
，佢話仲有件一樣但黑色既，都好啦，試下試下。我自己幾鍾意架，但我BF話長輩可能會唔鍾意黑色，因此冇佢揀到。禮服小姐又拎多幾件俾我試，我BF鍾意粉紅色大露背個件。揀完旗袍到晚裝，禮服小姐拎左幾件我reserve既衫俾我試，最後揀左件粉紅色泡泡裙。（到返左hotel之後先至稔到揀左兩件都係粉紅色
，甘第日即刻問靜怡可唔可以換另一件綠色既窄身裙。雖然佢地已經改好左件粉紅色泡泡裙，但靜怡都即刻換俾我，真係好好人。
揀完旗袍同晚裝之後，終於到婚紗啦。我係verywed上面已經揀左好多件，禮服小姐只要搵晒我揀既出黎已經足夠。揀婚紗比揀旗袍同晚裝容易，瑪莎好多婚紗都好靚，反而晚裝就麻麻，我最後揀左四件 – 一泡泡裙，一窄身，一長拖尾，一比較多details同design既。最後到揀和服，禮服小姐拎兩件俾我試，一金一粉橙，金個件比較formal，我揀左粉橙既。
我同佢地話想睇下”大亦四方”同了解下要加幾錢先可以換，門市既憶茹就show俾我地睇同幫我地改package。詳細點upgrade都幾復雜，我都唔記得啦？？我end up upgrade左去大亦相簿兩本，每本24頁，有四頁跨頁設計，有美編。我最後既package請看（婚紗相 – 第四日 – 選相日-link） 。
改完訂單之後，好肚餓呀，憶茹建議我地去瑪莎後面條街食小食。我地食左拉麵，肉圓，好好味。而加都仲係太早，Roger未返黎，甘我地唯有返黎客check-in先。黎客係一間好細既旅館，但係裝飾得好靚，好乾凈，好過好多四星級。係黎客休息左一陣後，就去逢甲夜市食野同返瑪莎見Roger。
去到瑪莎時，Roger 仲同人影緊相，我地就飲茶等左一陣。（瑪莎既人好好架，次次等既時侯都有人俾野我地飲。靜怡先黎同我地溝通，我帶左好多相去俾佢睇。而家稔番，可能太多囉，連D只係OK鍾意既都有帶，可能係甘靜怡揀左一D我只係OK既造型。都係自己貪心之過啦。
提醒大家既係，如果好在意髮型，要係出外景前問清楚造型師下個造型係乜，因為造型師會同攝影師講，係由攝影師同妳整。如果唔鍾意第二個造型，出到去先知就太遲囉。我就係甘，有兩個造型唔係好鍾意，但都冇得換啦。
終於Roger影完相，可以溝通啦。佢份人好好笑，好好傾，但都好professional，一影起相就好認真。我國語唔好，因此寫左好多係溝通單上。佢一段一段甘睇，每睇完一段又睇下我帶去的samples，同show D相問我地哩樣得唔得，個樣接唔接受到，真係好有心機。影相時仲成日提住我既concerns，真係 beyond my expectation.
溝通完就返黎客囉。
P.S. 攝影師會幫我地match衫同背景，我地好似唔係好可以決定？？
No Comments