17 3 月 溫哥華一日婚紗之旅
其實而家美金對加幣咁差﹐無咩事既話我哋都好少去㗎啦。但上個星期六我哋就同麥包屋企人去咗溫哥華一日遊﹐主要目的有兩個﹐其一就係我哋去剪頭髮﹐其二就係因為有人就嚟結婚啦﹐我哋就去婚紗舖睇婚紗package。溫哥華同西雅圖唔同﹐有唔少既婚紗鋪﹐但我自己結婚既時候就無去睇過﹐因為聽朋友話就唔係特別好﹐亦貴過香港同台灣唔少。所以﹐今次都係我第一次去溫哥華既婚紗鋪。質數方面都真係有好大variations﹐令我覺得最意外既就係其中一間我哋去睇既真係幾掂㗎。
呢間幾掂既婚紗鋪叫”紅娘”﹐佢哋既拍攝手法都好多元化﹐由傳統既大頭相去到好似雜誌﹑廣告既版本都有。又咁岩撞到麥包個妹既朋友個日去揀相﹐見到佢既婚紗相真係影得好靚呀
~﹗不過﹐呢間婚紗鋪既價錢牌就唔係咁靚啦﹐我諗係喺台灣影既三倍以上﹐幾千蚊加幣既packages都冇咩嘢包咁。但係standard of living唔同﹐又確係唔可以咁比較既。(順帶一提﹐個位朋友既靚靚婚紗相係價值不菲既
﹐我個人覺得好貴﹐但又真係好靚喎﹔我同麥包講﹐如果係我既話﹐唔知我會唔會咁癲洗咁多錢係婚紗相到呢﹖)
雖然唔係自己影﹐但都有少少戥新娘子覺得興奮﹐唔知影出嚟既相會係點呢﹖好想睇呀
~
§ photo obtained from “紅娘婚紗攝影” §
No Comments