23 1 月 日本人真妙-東京OL求生術
《日本人真妙-東京OL求生術》係本我返香港行書局時無意中見到既。我就係俾以下既一段封面既簡介吸引而去買左佢返黎睇：
日本人？是一個什麼樣的民族？
每天工作個18小時都不睡覺、一份工作可以做30年都不膩，工作到吐血居然是常態？一過25歲就想結婚想得不得了，因為遇不到Mr. Right和Miss Right只好一直去聯誼！男男女女都喜歡喝酒到一種令人匪夷所思的地步，可是一到了office就完全變成神奇的工作狂！日本人到底有多怪？
反正，跟台灣人很不一樣就是了！
呢本書係本自傳，講一個台灣女仔係N年前睇完柴門文既『東京愛的故事』，覺得自己想好似女主角”赤名莉香”甘，有份好工，有段驚天動地既愛情；就係因為甘，佢就隻身去日本讀書，由五十音都唔識，讀到可以係日本搵到份連日本人都夢想有既工做，靚女既佢當然亦都搵到佢想要既愛情。
睇本書既感覺就係覺得好似睇緊佢既blog甘，講既係佢既聯誼、搵工同埋返工既事。成本書都幾攪笑，又好容易睇，有時又會有少少同內容有關既插圖係書入面，係本唔錯既書。
can+dy^-^
Posted at 13:54h, 25 1 月好似幾得意咁喎,等我都去買黎睇下先.
mctea
Posted at 06:09h, 26 1 月係呀，幾攪笑架~特別係聯誼個section。