31 12 月 [箱根] 第十日Part III – 箱根湯本、回程、感想
我同麥包食完飽到飛起既早餐，透左陣後，係房浸埋最尾呢次溫泉就執埋野去checkout啦，亦都完成左今次既日本行。跟住就係”箱根湯本”到行左陣，買埋少少手信，經過一輪既搭車、搭飛機就返到屋企咯。先係搭”浪漫特快”返新宿，再轉”成田特快”由新宿去機場；好彩係搭”成田
特快”，去到機場仲有少少時間俾我地去食返餐先上機（因為我唔食飛機餐）。右圖呢兩碗就係我地今次係日本既最後一餐啦 – 拉麵。兩碗都係一樣既，只係麥包叫既係豉油湯底（深色個碗）；而我就揀左鹽味湯底（淺色個碗）；好好味喔~上飛機唔駛挨肚餓囉，嘻嘻
~！
去完東京，我開始明點解東京係個好多人去完會再去既地方，因為呢到真係有你買唔完、食唔完、同埋玩唔完既野~係個好有吸引力既大城市！好似今次甘，我都冇時間去銀座、恵比寿，就算係有去到既地方，都有好多野冇睇到、冇食到、同埋冇買到（哈哈，係個好好既籍口俾我再去過；唔知麥包聽到個頭會唔會滴汗呢
？）。
而京都就係個本來我地稔左好耐，有稔過唔去既地方，主要係因為留係京都既時間唔長，就甘去一去又洗一筆；但最後好彩都係有去，京都真係好靚，有一種講唔出既懾人魔力；唯一覺得美中不足既就係見唔到楓紅
。
至於箱根，就係成個trip我最鍾意既地方，真係好鍾意呢種咩到唔做，悠悠閒閒既感覺（嘻嘻，亦係甘，令我覺得下次旅行要去得悠閒D，馬爾代夫就岩晒啦，
。）
最後，有興趣既話可以去相簿到睇下相: http://mctea-living.com/gallery/2007-hakone/
後記：十月去既旅行，寫左兩個幾月，終於係2007年既最後一日寫到最後呢篇啦~呵呵呵~
！我係第一次寫甘詳細既遊記，稔都冇稔過原來係需要甘長時間既；最多時間係用左係執相同埋排版到！！雖然係俾我想象中辛苦，但我稔之後睇返會覺得係個好既回憶，所以都係值得既。
No Comments