28 12 月 [箱根] 第九日Part V – 箱根吟遊 – 懷石料理篇
果然好準時，晚餐係我地約定既時間就有得食啦。佢先就俾左張菜單我地睇，上圖係摺好既日文版；最上個張就係打開左既；而另外仲有張英文版（click呢到），但就冇整得甘精緻，凈係印係張A4紙上面。成餐飯係一樣一樣上既，所以食左成兩個幾三個鐘頭；唔好睇佢每樣都係得少少甘，食完真係飽到唔郁得架，哈哈~
食前酒『小田原れもんわいん』
食前酒係小田原既”檸檬白酒”，（下左圖）好有檸檬味，清清甜甜甘，唔會太重酒味，唔錯、唔錯~！個酒杯好特別，入面係鏡面，好靚~
先附『鰈昆布メとラフランス』
前菜就係鰈魚、洋梨加埋果凍既小食，（下右圖）我凈記得係清清地，唔記得咩味啦，嘻嘻~
旬菜：
『秋刀魚酢メ』
『鮟肝マッシュルーム』
『蒸し鮑と菊菜唐墨おぶし』
『豚三枚肉味噌渣』
『チーズ豆富』
『寄せ菊花』
『柿おしく和え』
頭盆：（由左至右）
1『秋刀魚酢メ』
酢醃秋刀魚，唔覺得有酸味，只係食到秋刀魚味，都唔錯架。
2『寄せ菊花』
“菊花糕”就係係秋刀魚下面黃色個件，好似菊花茶既味甘。
3『チーズ豆富』
銀杏葉芝士豆腐，就係秋刀魚下面深色個件，呢個真係唔記得咩味啦。
4『豚三枚肉味噌渣』
味噌醬醃豬既三層肉，三層肉本身就有肥肉同瘦肉交替，己經好滑，再加埋味噌醬醃過，就更加柔滑，好香好味。
5『鮟肝マッシュルーム』
鮟鱇魚肝配蘑菇，食既時侯凈係覺得係魚肝，有食凍鵝肝既口感（但味道就緊係唔同啦）。返到屋企上網睇先知原來呢件鮟鱇魚肝係日本係甘出名既。以下係係網上搵到既：
在日本關東，鮟鱇魚被喻人間極品，所謂「西有河豚、東有鮟鱇」之稱。鮟鱇魚肉質緊密如同龍蝦般，結實不鬆散，纖維彈性十足，鮮美更勝一般魚肉，膠原蛋白十分豐富 （故洋人稱之為「窮人的龍蝦」）。而鮟鱇魚肝更有海底鵝肝之稱，據稱有清熱解毒的美膚功能。
6『蒸し鮑と菊菜唐墨おぶし』
清蒸飽魚配食用既菊菜同埋烏魚子，鮑魚好好味喔~好鮮甜
7『柿おしく和え』
甜柿加大頭菜，好似食salad甘，幾好味既。
凌ぎ『にぎり寿司 みはからい』
手握壽司（下左圖） – 係白肉既魚，呢個好好味喔~
，食得出真係好新鮮。另外係碟旁邊有鹽，我地個server話我地知，原來食壽司既時侯，除左舔豉油之外，其實舔鹽都得架。
香り『すっぽんスープ仕立』と 丸餅豆富 笹がき牛蒡 焼荵 生姜汁すだち
水魚湯，（下右圖）裡面有魚餅、豆腐等等。我唔記得我之前有冇飲過水魚湯，但係飲落又唔覺得係甘恐怖既，起碼唔會有怪怪既味。
海の幸『相模湾朝獲り魚と本鮪お造り』
將當日朝早係”相模湾”既魚獲，同埋鮪魚腩（otoro）做成既”魚生拼盆”。係我覺得成餐最最最好味既
，包括有龍蝦、魷魚、超大甜蝦（好似係牡丹蝦）、鮪魚腩同埋一種不知名既魚。（下面既四張相）全部都好新鮮、好好味喔~！
洋菜『和牛ひれ肉と秋の味覚の マリアージュ フォアグラ フォンドボーソース』
好美味既和牛，佢係用左filet mignon既部份，而醬汁就係用鵝肝（foie gras）加埋細牛仔既骨（fond de veau）炆成既。再係上面加埋好大既蘑菇同埋黑松露（truffe），下面就有法式麵筋；可以話係法、日fusion菜。呢個就係麥包覺得最好味既
。我都覺得好好好食架，但係可能我鍾意食魚生多DD甘啦~
睇下張近D既相啦，唔好以為好大，其實得兩大啖（或四小啖）架咋，果然係mini既日食。
煮物替り『焼目鱧 餡け 松茸 海老芋月冠 柚子』
我地個server先將兩煲湯令入黎我地房到加熱（左圖），跟住就將碟”松茸”同埋燒好既”海鰻魚”，再加埋碗有蝦味既芋泥（下左圖）俾我地，佢話等湯滾左後，加晒全部既材料落去個碗到，”襟”蓋等五至十秒就食得喔（下右圖）。
整好啦，食得~！好香松茸味，海鰻都唔錯，個湯有蝦既鮮味。
強肴『天上鰤唐揚吹き寄せ 吹き寄せ物 青唐 おろし 天出し汁』
呢個擺盆甘有秋天氣色既就係炸黃尾魚（yellowtail），加埋其他蔬菜，再舔埋天婦羅既汁，好味就幾好味；但條魚有少少乾。
止肴『林檎とずわい蟹のサラダ 梅餡』
嘻嘻，呢個細到好似”一口菜”甘既晶緻擺盆就係用蘋果、雪場蟹、同埋梅做餡既沙拉，好好味架，但就慊少左D
。
食事『銀杏と茸の御飯』
到食飯啦，有兩樣揀；呢個就係我揀既銀杏同菇既鋦飯，幾特別，好香菇既味。
食事『白米とじゃこ』
麥包揀既係魚仔同白飯；嘻嘻，因為揀既時侯都唔係好清楚”じゃこ”係咩魚，所以黎到個時麥包既表情係
~！跟住佢就話：『點解之前食既，同而架食既鹹魚仔、醃菜加白飯係甘大分別既？』嘻嘻嘻~笑死我~
！
留_『赤出し汁』
香の物『みはからい』
跟埋飯黎既係紅味噌湯，就係味噌湯啦，同平時飲既冇咩分別。
甘味『柚子栗羊羹』
日式甜品係用柚子同埋栗子整既”羊羹”，清清地，都幾好味呀~
水菓子『クリームプリンとシューサンド パリ プレスト風』
西式既甜品係cream puff同埋布丁，兩樣都唔會太甜，好香好味。
總括黎講，呢餐好多野食都好有新意，係以前我未食過既，味道方面都有好多好好味既，嘻嘻~
。食完之後，我地去浸多次溫泉，睇埋係旅館借既DVD就
啦。
呢篇比較多相，睇唔到既話就試下”refresh”多次啦。
《待續~》
No Comments