26 12 月 聖誕大收獲（大出血？）

今年平安夜我地去左麥包個妹屋企”打邊爐”。嘻嘻，雖然聖誕節于”打邊爐”好似唔係好夾甘，但係最重要都係大家一齊食得開心。今次個湯底好正哦，係用蟹肉煲既，同平時食開既好唔同。

食完野我地就係佢屋企唱K，話就話係大家一齊既活動，但大部分時間都係奶奶同麥包個妹既男朋友唱多，嘻嘻~！跟住我地就返屋企大昏迷啦~過左個好平安既平安夜。

第二朝聖誕節正日，美國度度都刪晒門，係連超市都唔開既休息日。我地係屋企都冇咩野做，但就過左個白色聖誕。晏晝既時侯開始落雪，係好少有既甘大粒，大到好似卡通片畫個D甘，好靚呀~！（可惜落得太快，地下又濕，積唔到雪，影唔到相）

我地食完lunch之後就拆禮物啦~！上圖就係麥包今年送俾我既禮物，分別有：Burberry頸巾，半隻Cartier手錶（詳情睇下面）同埋粉藍色既IPOD NANO~!係甘既，條Burberry頸巾我一早就知道架啦，唔算係驚喜；其實麥包係幾年前就已經送左條粉紅色既俾我，甘我之前同佢去行街時見到呢條Nova Check既，稔住買多條黎嚫衫，甘麥包就話佢買俾我，當係聖誕禮物既。

跟住就係呢隻Cartier手錶，嘻嘻，係我好鍾意既淡淡粉紅色錶面，我好耐、好耐之前見過就已經好鍾意架啦，但因為太貴，唔捨得買。今次麥包就問我想俾幾多，佢幫我補個差價，嘻嘻，甘所以呢隻錶就係我同麥包送俾我既禮物啦（所以聖誕都真係大出血架）。係隔離既係麥包隻Tag Heuer；唉~點睇都唔似情侶錶，但冇所謂啦，大家鍾意咪得囉~！

最最驚喜既就係以下呢個IPOD NANO啦，我本身有個第一代既白色IPOD NANO，自從見到呢個第三代既就稔住去upgrade架啦，估唔到麥包又買埋俾我。佢仲放埋份NANO係個裝頸巾既紅色袋（睇上面）到，所以當我拆個紅色袋見到頸巾之餘，真係好驚喜地見到多份禮物；個時我仲以為會係Godiva朱古力之類既野忝，嘻嘻~多謝麥包~！

至於我又送左咩俾麥包呢？嘻嘻，就係係呢個GAP盒入面既聖誕特色底衫褲啦~！因為我好耐之前買俾佢既（當然都係聖誕禮物啦）都就快爛啦，所以今次係作為補給之用既。

另外仲有收到同事送既禮物，多數都係食物，已經落晒個肚到囉~！而我送出去既就係左圖既Godiva聖誕老人朱古力；我係成包幾十個甘買既，跟住自己返屋企將佢包成兩個一袋送俾人。送到一個都冇得凈，所以我都唔知好唔好味？