27 11 月 [京都] 第八日Part II – 茶寮都路里
去完《伏見稻荷大社》之後，我地就返番去京都站伊勢丹入面個間《茶寮都路里》食雪糕。呢間係京都出名既賣茶葉《祇園辻利》名下既茶寮，用高級宇治茶、抹茶做甜品。佢除左有芭菲雪糕食之外，仲有傳統日式和菓子小食。
一去到門口見就覺得個門口好吸引，其實好多日本舖頭門口都有呢D食物模型既display，但唔知點解覺得呢到既特別好味甘既？入去啦，佢帶左我地去個窗口位到，可以見到《京都鐵塔》，嘻嘻~雖然話唔係特別靚，但都唔差既。
食咩好呢？我地最後決定叫係睇食物模型覺得最靚既『特選都路里パフェ』，因為稔住share，所以就叫個大個D架啦。係呢個時侯，麥包話：『中間白色個隻係咩雪糕黎架？』甘我就覺得係雲呢拿；麥包就問可唔可以換埋做綠茶？我地就稔住陣間order既時侯問埋啦。但都未order我就係再睇多次menu既時侯見到menu到寫住如果將雲呢拿雪糕換做綠茶雪糕既話，加50円就OK啦。哈哈，睇黎都有唔少人甘做喔；甘又係既，呢到既綠茶甘出名，緊係想食綠茶雪糕多過雲呢拿啦。
黎啦，黎啦~！我既反應係：『嘩~！』入面包括：抹茶アイス（綠茶雪糕）、抹茶ゼリー（綠茶果子凍）、抹茶カステラ（綠茶蛋糕）、抹茶シャーベット（綠茶sherbet）、白玉（好chewy，好似mochi既野）、小豆（紅豆）・オレンジ（橙）等等。好味、好味~
食完之後我地就去《祇園辻利》買左兩罐綠茶俾我同麥包既屋企人，下面既兩張相就係個兩罐綠茶（相片由祇園辻利提供），個packaging都好靚架。
之後就去買京都『市バス專用一日乘車卷』搭巴士去《金閣寺》啦，500円一日pass，好抵架。
《祇園辻利/茶寮都路里》網頁：http://www.giontsujiri.co.jp
《待續~》
No Comments