25 11 月 [京都] 第八日Part I – 伏見稲荷大社
《10月15日》
我地留係京都既時間唔長，所以今日稔住挑戰鴨仔團既速度去晒幾個唔同既景點。一早起身，第一件事就係落去大堂concierge到問下佢點由京都站去《金閣寺》，再由《金閣寺》去《清水寺》。因為我地之前仲debate緊去唔去《金閣寺》既，所以都可以話係臨時決定去。原來京都同東京好唔同，呢到既交通網絡係以巴士為住，坐巴士比坐地鐵方便得多，所以我地就決定坐巴士遊京都啦。第二件事就係叫concierge幫我地訂今晚六點半係《かに道楽》食蟹；另外同reception講埋我地聽日既early check-out事宜之後就出發囉~！
先係搭酒店既接駁巴士去京都站，買我鍾意食既飯團同麥包鍾意食既”焼そばロール”做早餐；再搭JR西日本”奈良線”去”稻荷站”，一出站口就到《伏見稻荷大社》既入口架啦，好容易去。
係網上搵到既簡介：
《伏見稻荷大社》位於稻荷山的山麓，在傳統上整個稻荷山的範圍都被視為是神域（聖地）的範圍。《伏見稻荷大社》主要是祀奉以宇迦之御魂大神為首的諸位稻荷神，自古以來就是農業與商業的神明，除此之外也配祀包括佐田彥大神、大宮能賣大神、田中大神與四大神等其他的神明。由
於每年都有大量的香客前來神社祭拜求取農作豐收、生意興隆、交通安全，使得該神社成為京都地區香火最盛的神社之一。另外，起源於江戶時代的習俗，前來此地許願的人們往往會捐款在神社境內豎立一座鳥居來表達對神明的敬意，使得《伏見稻荷大社》的範圍內豎有數量驚人的大小鳥居，而以『千本鳥居』之名聞名日本全國乃至於海外。捐款豎立鳥居的單位包含個人、公司行號乃至於各地的商會組織，目前現存的鳥居，最早可以追溯到大正年間。
《伏見稻荷大社》最初的本殿已於應仁之亂時燒毀，今日所見到的本殿為明應8年（1499年）時重建的版本，目前被日本政府指定為國家重要文化財。除了主殿建築之外，《伏見稻荷大社》境內最受注目的建物莫過於滿佈整座山頭的各式大小鳥居。除此之外，神社的範圍之內也可以見到許多狐狸（稻荷神的使者）的雕像，與非常特殊的狐狸造型繪馬。
內堂 | 樓門 | 本殿
我地想黎《伏見稻荷大社》既最主要原因就係為左佢既『千本鳥居』，睇《藝妓回憶錄 The Memoir of Geisha》既時侯而經覺得佢好靚，好有古代日本氣色；之後發覺佢離京都唔係好遠，就覺得黎睇下都好。
可能我地好早到，周圍都幾靜，唔多人；我地先去洗手同埋口，就入去參拜啦。先係要搖係個”啷啷”，就好似話比神知你黎左啦，get attention甘，先開始參拜。參拜完之後，我地就去『千本鳥居』啦。
『千本鳥居』既每個”鳥居”到好大架，睇相就知啦，高過我唔知幾多個頭？由呢到行到最遠既《お山めぐり》就需要成兩個鐘頭，係呢兩個鍾頭途中到普滿晒”鳥居”，真係好壯觀架。不過如果係夜晚黎行既話，對住彎彎曲曲、一排排既紅色”鳥居”，都咪話唔驚
，嘻嘻~！話明今日係鴨仔團式行程，我地就緊係冇行上去啦，只係係門口影返幾張相。有個伯伯好好人甘話幫我地影，但好可惜，唔知係我地相機太細，定係佢既手震太嚴重，張相影得好矇；而我地當時又冇check到，所以呢到就冇我地既合照啦~残念
～
嘻嘻~下一站就去京都有名既《茶寮都路里》食雪糕囉~
《待續~》
No Comments