17 11 月 [東京] 第五日Part III – 渋谷 – Bathing Ape、迴轉寿司ー築地本店

由六本木搭巴士去渋谷大約十五至二十分鐘到，都幾快架。渋谷真係同想象中一樣，好多人，係個個好famous既crosswalk就有好多橫街，係入面又有好多唔同既舖頭可以shopping。今次我地冇好似去新宿甘，好快就放棄左去搵路啦，覺得周圍行下，睇係會唔會有咩surprise好過晒時間去搵啦。

我地既決定果然係冇錯，俾我地係其中一條橫街都見都間”Bathing Ape”既分店。個門口好得意架，擺左條好似輸送帶係透明既地底，跟住係輸送帶上面放左好多對唔同既波鞋轉下轉下（下圖），加埋D閃燈，都幾有創意呀。我本來係想買返件Ape既Tee既，每件大約6000-7000円到啦，但麥包問：『你會幾時著架？』我稔下又係喔~我好似好少著Tee架喔~！我稔到既就係1）去做gym既時侯；2）o訓覺個時。甘又係既，件衫又唔係平，買黎o訓覺又真係好貴喔，甘我就冇買到啦。

跟住行到累，就去左間叫”Donatello’s”既雪糕/飲品店，叫左杯芒果汁飲。我地坐左係對住塊鏡既吧位。飲飲下野、頃頃下計，我地突然好無聊地對住塊鏡影相，哈哈，唔通我地都感染到渋谷既craziness? 嘻嘻~

———————————————————————————–

好啦，飲完野就去食《築地迴轉寿司》啦。《築地迴轉寿司》最出名既就係佢地既全店都係105円一碟壽司，算係好平既迴轉壽司店。聽講話呢到有時會多人到排晒長龍既，哈哈，唔想再好似上次係《壽司大》甘等成個幾鐘頭先有野食，所以就早左D去食。去到岩岩好有位，嘻嘻，唔駛等，好野~！一入去，個waitress就俾左張紙我，上面寫住半個鐘頭每人最少需要食七碟，再加幾條我唔係好記得既policies，睇完之後就可以入去食架啦。呢到既壽司就緊係唔可以同《壽司大》既比啦，價錢甘唔同，一分錢一分貨呀嘛。但係係呢個價位黎講，我覺得都真係唔錯架啦，我地都食得好開心。呢到既壽司種類同我地食開既差唔多，麥包就覺得好有”親切感”啦，哈哈~！開始既時侯我地都係係個輸送帶上面揀壽司黎食，食食下見到人地同壽司師父order，甘我地又跟住order，就食到幾樣特別D既野。每人最少要食七碟，我地食左十四、十五碟到就好飽、好飽囉~~

睇下相啦~又係因為間舖頭太多人，冇用到閃燈，影得唔係甘靚。

いか | 鮭 | たこ

うなぎ | まぐろ | かいばしら

ほたて | ねぎとろ | いか

うに（200円） | 焼き魚？

再睇下多人既渋谷啦~

未過馬路之前 | 過緊馬路

好咯~我地而家去新宿既《東京都廳》睇夜景
啦。



《待續~》