11 7 月 燒烤生日會

係呢個甘陽光普照、上兩個禮拜既星期六，我地去左呢個好靚既公園/海灘到燒野食，為既係慶祝我同事兼朋友老公既生日。點解成兩個禮拜後先寫番出黎？因為我呢兩個禮拜返工真係好忙、好忙呀~！另外就係等緊我同事email佢個相機既相俾我。

講返個日啦~話就話係我同事plan既，但係佢老公其實先係背後既功臣；由買料（仲係係佢生日正日去買，因為佢公司係會係員工生日個日放佢地假）、醃食物、到當日燒野食都係佢~！嘻嘻，佢就係相入面係我同麥包中間既背景啦~哈哈，呢張相係我同事影既，佢都係返到屋企係電腦到睇先睇到佢老公係中間，哈哈，係咪搞笑呢？

因為個公園好大，等我地搵到去到既時侯，原來佢地已經燒左好多野食啦。睇下有咩野食先啦。有牛仔骨、燒雞翼、腸仔、沙爹牛柳、煆同帶子串燒、夏威夷式午餐肉壽司（左圖），另外仲有冇影相既西瓜、蜜瓜、生蠔等等。我最鍾意既就係串燒，真係好好味架~！

生日又點會冇生日蛋糕呢？但係要帶個生日蛋糕去甘熱既戶外放幾個鍾頭真係唔易。甘我個同事就稔到用Krispy Kreme既donuts去擠個蛋糕出黎，都幾得意呀~

食完之後，我地仲玩左唔少遊戲忝~！嘻嘻，上面張相就係其中一個我地夾住個水彈準備緊既相，應唔應得我係邊個呢？哈哈~！其實仲有唔少相架，但係唔知其他人介唔介意佢張相係網上？所以都係唔post出黎啦。