13 4 月 初嘗桜餅

櫻花季節好快就過左啦~我屋企附近既櫻花樹都出晒葉，唔知既都睇唔出係櫻花樹忝呀。星期一麥包出左trip，我唔想煮飯，就去左超市買烏冬同壽司食，哈哈~俾我冇意中見到有”桜餅”（さくらもち）賣。桜餅我睇雜誌就見得多，但一路都未食過。甘見到就緊係要買黎試下啦~！

但係我係雜誌見到既”桜餅”好似唔係甘架喔？我個時稔：唔通個”桜餅”係翻版？但係又話係”日本製造”架喔！甘我就上網搵下兩種”桜餅”有咩唔同啦。搵到既以下：

~桜餅と言うと大きくわけて二種類にわけられます。一つ目は道明寺の桜餅（関西風）、そして、二つ目は長命寺の桜餅（関東風）~

第一種係”関東風格”既”長命寺の桜餅” – 用葉包住粉紅色櫻花味既”クレープ型”(crepe)皮，而再用crepe卷住紅豆餡，係見到紅豆餡既（上左圖）。第二種係”関西風格”既”道明寺の桜餅” – 用葉包住櫻花味既”もち”（mochi），係”もち”內既就係紅豆餡，但係外面係見唔到餡既（上右圖）。而我買到既就係後者啦。

嘻嘻~因為我想等埋麥包返黎一齊食，所以尋晚先食。我地仲沖左茶送忝，本來想沖綠茶架，但屋企既綠茶茶包岩岩冇晒，就沖左媽咪留低既”鐵觀音”頂住先啦，哈哈~！我覺得幾好味架，唔會太甜，有櫻花同葉味。但麥包就唔係甘鍾意D葉味啦。

甘兩種”桜餅”比較之下，我稔我會鍾意食関東風味既多D，一來我覺得佢靚D，二來我稔我會鍾意食crepe型皮多D。星期六去宇和島屋睇下有冇関西風既賣先。

<----"関東風"係雜誌上見到既 “関西風”就係我食個件啦—->