20 11 月 婚紗相 – 第三日 – 影相日
因為昨日影相影到好疲倦，今日好晏先起身，匆匆食完早餐就去瑪莎啦。
今日去水舞谷關，Roger揀左件長拖尾既婚紗。長拖尾加谷關，我稔我估到靜怡會幫我set個咩造型啦~果然係包頭拖尾頭紗。靜怡好細心，佢仲拎左幾個唔同既包頭頭紗俾我揀。我最終揀左個最簡單既，因為包頭拖尾已經好dramatic，唔駛太多accessories. 我仲話俾靜怡知我BF唔慣化裝，問佢可唔可以落少D粉？緊係ok啦。我都認為少D粉自然D, 嘻嘻。
好似昨日甘，化完裝就出發。我又有問束鮮花，哈哈，今次佢地記得啦。去水舞谷關需時一個鐘，條路好似頭文字D, 我都影左唔少相。途中見到好多賣冬菇既舖頭，成條街都係，decorated得好得意。可惜唔可以留低睇。
水舞谷關好靚架，星期日仲好多人忝。哈哈，Roger話星期日影谷關唔易。好多地方都因為太多人而影唔到。好似平時如果冇人訂最靚個間房既話，我地可以入去影相，但星期日間房就一定有人訂，冇得影。
Roger叫我地企係高D既牆上面去影D special effect相。我有畏高，只腳係甘係到震，好驚呀~！
但係為左靚相，都係值得既。之後，緊係唔可以miss經典既吊橋相啦。條橋有好多蚊架，影相時有蚊都要忍住唔好郁，好搞笑。
影完外景，我地入水舞谷關個餐廳影另一組經典相。Roger話凈得一張臺既背景先靚，甘我地一路影一路留意住個張臺幾時冇人。因為有好多人係餐廳入面，(我地仲見到有個男人同餐廳D人爭辯忝呀~
），甘我地都覺得唔好意思留太耐，左住人地做生意嘛，影左幾張就離開。今次有個洗手間換衫啦，舒服好多，換左件旗袍。Roger又幫我轉髮型。佢本來想拆左個頭紗，加番D配飾就算，但係我話唔鐘意個大髻，甘佢就幫我整過個細D既，Roger set頭都好勁。但可能我既面型比較長，set髻唔係好好睇。不過個細既髻都好左D架啦，我知我唔可以叫Roger set過晒成個頭架嘛。我地係lobby影左好多相，我鍾意我BF既造型多D，所以揀左佢既獨照多D。
我話想落水影，Roger就問我想唔想入湯屋影。緊係好啦，但問完谷關職員之後，連湯屋都爆滿~!!! 只有嘆息，各位千其唔好星期日去水舞谷關。甘我地惟有入自己房影房既溫泉啦。Roger幫我地check-in後入房，嘩~！！好靚呀，個溫泉比我想像中大。我換左最後既一件綠色晚裝，Roger又幫我轉髮型。今次係張頭髮束起成馬尾斜一邊，都幾好睇架。係房影完之後就入溫泉影多幾個shots。 搞掂晒，影完囉，哈哈。
而家係時侯enjoy下浸溫泉啦~！
未浸之前先沖涼，落妝去醫肚。我地去樓上既餐廳食送既火鍋。都好大portion架，我同我BF都唔係細食既人，但食完都好飽。D飲野都既好架，我order左杯由好多生果mix既。食飽飽，返房浸溫泉，係溫泉內睇電視超正，好relaxing。 浸完睇埋借既DVD就o訓囉。
第日，我地去食早餐同係谷關附近行下之後就返瑪莎揀相。早餐有中式同西色，我地一人order一份，我覺得西式好食D。
No Comments