19 11 月 婚紗相 – 第二日 – 影相日
好緊張，今日終於影相啦~！
但影相之前緊係要醫肚先啦！我地拎住黎客既餐卷去轉角既餐廳食早餐。早餐有三個choices：(1) 火腿，蛋，烤面包 (2) 公司三文治 (3) 小麥餅乾。我地稔住choice #1 係最好味，直至第日食choice #2時先知原來#2好味D。#2同#1既ingredients係一樣，但#2有生菜同番茄，食時冇甘乾。
食飽飽，十點鐘準時到瑪莎Lili。一去到，就有位靚女（唔記得左佢個名忝）幫我上水粉。佢地會搽好多架，cover晒上半身(Note:記得帶件妳唔係好care整污遭既衫去，因為D水粉一定”粢”到成件衫都係。）第一個造型就去溪頭，我仲以為會影內景先忝？靜怡話而家冬天，好早天黑，所以要早出去，返黎後先影棚景。Roger揀左條泡泡既婚紗配哩個景，靜怡就幫我整個卷卷既頭髮，好似公仔甘，個look都ok啦。整緊既時侯我問靜怡可唔可以加溪頭中model用既大花帽，佢一聽到即刻叫人幫我搵，仲問Roger頂帽要而家帶or帶出去等Roger幫我帶？Roger話影完卷卷頭髮先帶會有多D變化，出去先帶好D。我自己好鐘意頂帽，嘻嘻~
我BF方面，因為佢有自己帶西裝同幾件衫去，都唔駛點揀瑪莎D衫。凈係加左D配件就ok啦。哈哈，佢地都有幫我BF上左少少粉上面，佢極之唔慣。妳知啦，男仔唔化裝架嘛~
好啦，去溪頭囉~！我個package包兩束好靚既鮮花球，好彩我出去前有問下Roger有冇帶，佢竟然話唔知我有花球喔？？
之後佢問番憶茹先知，就即刻拎埋上車。(Note: 如果妳有咩想帶or有乜唔係人人都有既，記得提下攝影師，佢地有太多野拎，唔記得唔出奇。有個香港女仔同我同一日影，佢都有鮮花，但佢個攝影師唔記得左帶，就白白浪費左~
）係途中，Roger買左D麵包，蛋糕我地食，兩個都好好味，個蛋糕仲好軟忝
。個幾鐘頭後，到達溪頭。真係surprise啦，原來溪頭同相中既感覺好唔一樣，妳一定估唔到D甘靚相既背景竟然係甘平平無奇。
我地係哩個”平平無奇”既景影左好多相。但影出黎既相的景好靚，Roger真係好掂~！ Roger成日都話我BF笑容假，成日叫佢笑得自然D，Roger就搞下笑，點知係我笑到癲左~哈哈
。
個日係星期六，溪頭好多人，Roger幫我轉造型時有好多人”圍觀”，搞到我幾唔好意思呀。 有人仲以為Roger係造型師忝呀，哈哈~！之後Roger搵左個冇乜人既地方，叫我用金蟬蛻殼既方法換衫 
好刺激~！今次係窄身既婚紗，我好鐘意件婚紗架，可惜個假髮係我唔係好鐘意既長大卷髮，好似60年代既style甘。因此哩個造型只揀左一張乍。
影完溪頭已經天黑啦，返到瑪莎之後以為有飯食啦，點知Roger話先影和服先。我稔Roger自己都未食飯，又”喳”左成日車都未話辛苦，我都冇所謂啦，影完先食。今次靜怡幫我整左個好cute既髮型去趁件和服。不過講到cute，我BF仲勁，佢一換完衫出黎，成班黎落訂既客人都嘩嘩聲，大叫：”好可愛喔~！” 哈哈，我稔”可愛”兩個字唔係我BF想聽囉，嘻嘻~！雖然D和服相都好特別，但係話晒都係影婚紗相呀嘛，所以只係揀左幾張。
嘩，食飯啦~！係豬扒便當，ok好食啦，D豬扒有D乾。食完飯後，仲有最後一個shot。靜怡話幫我整兩個造型，佢揀左兩個都係係我帶去既造型，結果哩兩個係我最鐘意既，而件婚紗有係我最鐘意既好多details個件，可惜係內景，我既目的係揀多D外景相嘛。我好多謝靜怡幫我整左兩個好靚既造型，因為好似正常黎講一套衫只有一造型。終於影完今日啦，已經係夜晚十點半啦~
好疲倦喔~！聽日繼續，去水舞谷關。
P.S. 記得帶落妝水去，冇既話係超難落瑪莎幾寸厚既妝。我唔記得帶，沖左好多次涼都唔係好乾凈。仲有，靜怡話如果想洗頭髮上好多既gel，（佢地會落好多去set頭），最好用護髮素先，後用洗頭水，甘會容易D洗。係啦，黎客同水舞谷關都冇護髮素，要自己帶喔。
No Comments