20 7 月 為旅行而買的超廣角鏡

AF-S DX Zoom-Nikkor 12-24mm f/4G IF-ED (2.0x)
雖然話我已經訂咗去馬爾代夫嘅行程﹐其實都唔駛點再做資料搜集﹔但因為天生”八卦”﹐近排得閒嘅時候都會去其他人嘅blog到睇下人哋嘅遊記﹐見到其中一個D相影得好靚﹑好靚﹐有見佢話帶咗好多鏡頭去﹐差唔多全程都係用廣角鏡﹐嘻嘻﹐我又心思思想買個廣角鏡喇。

上網睇過review後﹐好多人都話原廠Nikkor鏡頭影出嚟嘅相比同類型third parties嘅係靚D﹐但價錢方面就貴成倍﹐所以我有段時間都諗住買third parties嘅就算㗎喇﹐橫點我又唔係professional。但之後諗下諗下﹐都係想買原廠嘅(唔好問我點解﹐因為我都唔知﹐可能係心理上點都覺得原廠嘅好D啩﹖)﹐就叫麥包同我揾下邊到賣得平D﹐揾咗個幾月﹐終於俾我哋揾到啦~﹗雖然都係唔平﹐但都唔錯㗎喇﹐加埋麥包幫我俾一半錢﹐。