今年生日好開心呀~!麥包訂咗個好靚既草莓千層酥俾我做生日蛋糕(嘻嘻﹐雖然係我同佢講話想食既)﹗因為係special order﹐所以訂既時候都唔係好知個樣係點﹐但出嚟既後果真係好靚呀。

囉咗返黎之後我就同佢影咗幾張相﹐好想食哦﹐但係都係等到今晚食完飯先當甜品食啦。

係咪好似好好味呢﹖

夜晚我哋去咗”Ruth’s Chris”既扒房食牛扒(下篇先寫詳程)﹐令咗兩個大肚腩返嚟﹐飽到咩都識唔落﹐哈哈﹐咁個蛋糕就留返第二日先食。

第二日終於食佢啦﹐真係好美味㗎~﹐入面既custard cream好滑﹐唔會太甜﹐塊千層酥仲係好脆﹐哦。

睇下個橫切面﹐而家諗返起都想食。

不過千層酥都真係幾難切﹐哈哈﹐睇下成功與失敗既對比~

另外仲有麥包屋企人送既芒果mousse蛋糕﹐都好好味㗎﹐多謝﹑多謝﹗

最後﹐就係我今年既生日禮物﹕一set三隻既LV “Sweet Monogram”耳環﹐三隻唔同款﹐可以mix & match嚟帶既。多謝麥包~