02 9 月 結婚一周年紀念 – 禮物篇（更新last gift）

（8/20/07）
時間過得真係快，眨下眼就到麥包同麥茶既結婚一周年紀念啦~！麥包話，今年係第一年，想送D特別D既野俾麥茶，甘佢就問麥茶有咩想要；麥茶稔左幾日之後，send左張wish list俾麥包。麥包睇完，星期五晚係同麥茶去食飯等位既時侯，有以下一段對話：

麥包：麥茶，你覺得Ba…o個個…”ba咩ma”點呀？
麥茶：ba咩ma？你想話Bahamas（巴哈馬群島）呀？
麥包：啊~！係呀~係呀~
麥茶：個到聽講話幾靚架，係Caribbean（加勒比海）到既，應該唔差卦，”陽光與海灘”既地方囉。
麥包：係呀？好唔好玩架？係咪坐cruise（遊輪）去架？
麥茶：咦？你想去呀？好貴架喔！
麥包：幾貴呀？
麥茶：唔~ 我稔唔計飛去Miami到上船個程，每人預$700-800蚊（講緊美金）啦，因為我地有mileage換free機票既。
麥包：甘都OK啊。
麥茶：甘返屋企online check下啦。

麥茶心稔，少有喔？？麥包會主動話去旅行既？（正常既情況係麥茶話想去邊去邊，麥包就會”依依哦哦”一陣，話麥茶成日都去旅行，跟住到最尾都係會同麥茶去）唔好理甘多，難得麥包主動話同麥茶去慶祝結婚周年紀念，加勒比海既遊輪上慶祝都幾浪漫呀！因為時間緊迫既關係，甘麥茶當晚就好努力甘去搵加勒比海同巴哈馬群島既資料啦（因為麥包係”順得人”，”厭尖”個個係麥茶，所以去邊都係麥茶plan好D），稔住大家依家假期都唔多（因為十月囉左好多假去日本同返香港），所以麥茶想搵既都係幾日既遊輪假期。搞左成晚，對加勒比海同巴哈馬群島有左少少既認識，睇埋少少遊輪既資料，見到有$250-$350美金三日兩夜或四日三夜既行程，有去麥茶覺得唔錯既幾個小島，坐”皇家加勒比海號”（唔寫英文既真名啦，睇埋下面就知點解）之類既遊輪，麥茶覺得間遊輪公司個名都有聽過下既，都應該OK卦？個價錢仲比麥茶稔既平好多喔~！呵呵呵~！到呢個時侯，睡魔戰勝左麥茶~！zzzzzzzzzz~

第二朝麥茶一起身就同麥包講返佢搵到既資料。

麥包：下？甘平？坐咩cruise架？會唔會係D不知明既cruise line架？
麥茶：”皇家加勒比海號”之類啦，有幾間揀既，都係有聽過既名囉。
麥包：哦~！甘都OK既。幾好呀，就去啦~！
麥茶：好呀，甘等我去睇下呢幾間cruise既review，睇下邊間好D啦。
麥包：甘你決定啦。

跟住麥茶又好努力甘去睇網上既人對各間遊輪公司既comments啦。一睇就大件事囉，原來呢幾間遊輪公司俾人既印象係”經濟實惠”，但船倉”極有翻新既需要”（呢句話係麥茶訂酒店既大忌）！再去睇埋遊輪既設施，咦？唔係好多咋！終於明晒點解會甘平啦。麥茶決定放棄”經濟實惠”，但亦到唔係想搵”終極奢華”既，話晒都只係幾日既getaway，唔想洗太多錢。搵到既有兩間中價位既，係”公主號”同”名人號”，但呢兩間公司既遊輪安排都唔係好岩甘。其一，”公主號”唔停我想去既小島；其二，”名人號”唔係兩日一夜，就係五日四夜，時間上唔岩；其三，兩間今年既遊輪都好爆滿，明年請早，甘即係唔岩今年去慶祝結婚周年紀念啦。又係時侯update下麥包啦。麥茶同麥包講完之後：

麥包：哦~甘咪去五日四夜囉，貴D都OK啦。
麥茶：o下？五日四夜？我地有甘多假咩？
麥包：冇假？出年點會冇假呢？
麥茶：o下？乜你唔係想今年去咩？
麥包：今年？要去日本呀嘛~你仲想去埋Bahamas呀？
麥茶：你想去呀嘛，唔係for anniversary咩？
麥包：我想去？我幾時話想去呀？係你想去呀嘛。
麥茶：o下~~~？！我冇話想去喔。（心稔：真係拗晒頭？唔係你尋晚先話想去既咩？）如果係出年既話，甘我想去Bora Bora（波拉波拉島）多D囉，嘻嘻嘻~
麥包：Bora Bora？咩地方黎呀？
麥茶：Bora Bora咪就係我個wish list入面第一個choice囉。你有冇收到我個email呀？
麥包：有呀，乜個個唔係Bahamas咩？又多左個Bora Bora？So confusing

麥茶：哈哈哈哈~甘你尋晚講個個”ba咩ma”原來係Bora Bora呀？哈哈哈，你個”ba咩ma”，緊係稔到Bahamas啦，點知你講緊Bora Bora喔~唔怪之得你話係”我想去啦”，你甘搞笑既~哈哈哈。
麥包：哈哈，甘都未算，如果我地join左cruise，去到先發現仲搞笑呀~！

跟住麥包同麥茶大笑左一陣。

麥包繼續：甘Bora Bora又係邊度呀？
麥茶：係夏威夷落D。
麥包：個度點架？
麥茶：等我搵D相你睇啦~！（麥茶上網搵到相，俾左麥包睇）
麥包：……（麥包眼定定，無言）………
麥茶：係咪好靚呢？（麥茶第一個印象係：好靚！）
麥包：係好似好貴呀！（麥包第一個印象係：好貴！！）
麥茶：……（無言）………（心稔：平時又唔見你甘醒既？）
麥包：咦？呢度係法屬架喔！
麥茶：係呀、係呀~French Polynesia呀嘛。
麥包：個道好多黑人架喔~
麥茶：佢地晒黑既嗟，你又唔係去同佢地玩，你去度假咋嘛，唔會成日見到既~。（心稔：佢點解突然間知甘多野既？頭先先話唔知Bora Bora係乜？）
麥包：甘Maldives*（馬爾代夫）又多唔多黑人架？
（*註：係麥茶既wish list入面，係話Maldives或Bora Bora都OK既）
麥茶：個度無黑人，有印度人，哈哈。
麥包：印度人？Maldives係邊架？你究竟想帶我去邊度？？
麥茶：帶你去賣~哈哈哈~！
麥包：
麥茶：Maldives係o係印度洋。
麥包：甘咪好遠？
麥茶：不過個度平過Bora Bora呀~！（心稔：我都係聽講）
麥包：係？（麥包兩眼發光- $$$）

講到呢到，麥包同麥茶因為要去同屋企人食飯，兩人既對話就不了了之啦。

~到左麥包同麥茶既結婚周年紀念當日~

因為麥包話男人唔係甘care禮物既野，所以就叫麥茶唔駛送野俾佢啦。但係麥茶覺得帶”兩梳蕉”去慶祝又唔係幾好既；稔起之前係網上睇過既”Anniversary Gifts Guide”，講既係每年送咩禮物，而第一年就係送”紙”，去到五十周年就送鑽石。甘麥茶就稔，送紙？甘不如送卡啦。麥茶total送左三張卡俾麥包：

第一張：（搞笑版）麥茶偷偷地將張卡放係麥包架車到，係麥包去囉車既時侯就會搵到啦。呢張卡一D都唔靚，但係內容好搞笑，係句麥包成日話麥茶既一句話。張卡既女人話：”If I hadn’t found you，I’d probably be driving somebody else nuts.”

第二張：（認真版）哈哈，咪就係張靚靚既卡囉~！

第三張：呢張係麥茶好鍾意既卡，係個旅行箱形既卡，再買埋關於”陽光與海灘”既靚靚貼紙做裝飾，本來係稔住當旅遊禮卷甘送俾麥包既；但到最後，竟然係叫麥包係張卡到”畫隻龜”（即係簽個名啦）當旅遊禮卷甘送返俾麥茶，呵呵呵~橫掂佢之前都係威逼利誘既情況下應成左同麥茶去架啦
。

甘麥包又送左咩俾麥茶呢？

第一：下年同麥茶去馬爾代夫或者波拉波拉島（呢個都係下年既周年紀念節目）

第二：卡一張


第三：麥包覺得今年都係送返樣實物既禮物好D，但係而家仲訂緊黎，黎都先再講啦。

（更新:9/2/07）

終於收到第三份禮物啦 – 就係Mikimoto既Tahitian Pearl（黑珍珠）耳環一對。麥包買呢對耳環既過程都真係艱辛囉。事源我凈係鍾意黑珍珠，唔鍾意白珍珠，但黑珍珠大多數都好大粒，帶係我到直情係大到跌落黎，甘要搵細粒既已經唔容易，再加上我凈係想要孔雀綠色*（peacock green）就更加難上加難。但到最後，都好好彩搵到啦。哈哈！

*黑珍珠特別之處就係佢除左黑色之外，表面仲會散發出唔同既顏色；有深灰色、淺灰色、深紫色、金色、銀色、孔雀綠色等等。聽講話孔雀綠色係最受歡迎既，因為孔雀綠係唔同角度睇會見到好多唔同既顏色。

至於麥包同麥茶點慶祝？去左邊度食野？詳程請看：結婚一周年紀念 – 慶祝篇

後記：麥茶俾麥包既wish list入面究竟仲有D咩choices呢？
1）去”維多利亞”（Victoria BC）- 因為近，大家都唔駛囉假；但維多利亞出名既High Tea唔係麥包個杯茶，加上麥包覺得唔夠memorable。
2）去坐熱氣球上天空 – 好特別，好玩；但我同麥包都係西雅圖住左差唔多十年，”西雅圖的天空”已經係飛機到見過好多次，想留返$400美金一個鐘既熱氣球體驗去其他地方旅行時先試。

【同分類上一篇】：去完旅行既手信

【同分類下一篇】：2007聖誕派對