今餐煮咗差唔多四個鐘頭﹐哈哈﹐不過我係好慢咁煮嘅﹐最晒時間就係整個《草莓大福》。

一共整咗五道菜﹕

※※※※※※※※※※※※※※※※※※※※※※※※※※※※※※※※※※※※※※※

頭盆有《Ahi Tuna》同埋《Seared Scallop》。《Ahi Tuna》係買返嚟嘅﹐因為唔係咁想自己整﹐驚煎得過熟。《Seared Scallop》就超簡單喇﹐買隻直徑兩吋大嘅帶子﹐咩調味都唔駛加﹐就咁煎熟佢就食得。

第二樣就係《酒煮大蜆蕎麦麵》﹐嘻嘻﹐”大蜆”岩岩煮好嗰時都仲OK大隻﹐但到食嘅時候唔知點解縮晒水﹐下次要加多少少海鮮先得喇﹔蕎麦麵就用咗有綠茶味嘅﹐都係喺屋企揾到咩就煮咩。

主菜有《日式漢堡扒》﹐塊漢堡扒係我自己用碎肉加入蘑菇﹑洋蔥﹑蕃茄之後整成扒嘅形狀﹐煎熟就OK(不過有少少焦黑)﹐加埋蘑菇汁﹐半熟蛋一齊食﹔另外仲有《金菇牛肉卷》。

甜品就有《草莓大福芭菲》﹐入面有草莓大福﹐綠茶雪糕﹐加埋新鮮草莓同埋紅豆醬汁。好可惜個草莓大福俾我整到凹凹凸凸﹐唔係好presentable﹐不過食落一樣好好味㗎。

最後就係一杯《Mariage Frères》嘅《Marco Polo》花果茶﹐食完飽晒~﹗

~ 情人節快樂﹗~

伸延閱讀﹕
情人節的早餐 – Café Besalu
為情人節而整的《草莓大福》
09年情人節禮物