情人節的早餐 -《Café Besalu》




今年情人節本來麥包要出trip㗎﹐但後來唔知點解又唔駛喎﹐嘻嘻﹐過咗一個好開心嘅情人節。

一早起身就去食個早餐先﹐朋友A話有間叫《Café Besalu》嘅法式café D嘢食好好味﹐咁我哋就約埋朋友A﹑佢老公﹑同埋佢哋好得意嘅BB去試下喇。《Café Besalu》入面好細﹐好有家庭式嘅感覺﹐有各式咖啡﹑pastries﹑同埋少少鹹點賣。網上嘅review都話好﹐去到果然係有好多人嚟食﹐排隊排到出門口呀~﹗

朋友A因為有小小嘢做﹐仲未到﹐咁我哋就叫嘢食先喇。好好彩揾到個靠窗嘅位﹐一路食一路等朋友A。




↓ 因為我唔飲開咖啡﹐唔鍾意佢嘅苦澀味﹐就點咗杯最唔苦嘅『Mocha』。呢杯『Mocha』好好味﹐因為真係一D都唔苦﹐加埋D cream﹐正﹗

↓ (前)鹹點我哋order咗個『Smoke Salmon Quiche』﹐好有蛋香﹐同埋底層酥脆嘅餅皮﹐加上煙三文魚﹐好好味喔~﹗

↓ (後)Pastry就order咗…唔記得咗個名﹐食起嚟脆脆哋﹐甜甜哋﹐有小小肉桂味(cinnamon)﹐都唔錯。

↓ 最後仲有呢個『Apple Danish』﹐好鬆脆﹐一片片蘋果好新鮮﹐都係好好味。另外仲買多咗件『Croissant』返屋企﹐做今晚大餐嘅麵包。


當我哋食到七七八八嘅時候﹐朋友A一家就到啦。BB大得真係快﹐次次見朋友A個BB都覺得佢又大個仔咗咁多﹐仲一次比一次得意添。今次係麥包第一次見到BB﹐哈哈﹐佢哋又好夾喎﹐全程麥包都湊得佢惦﹐連個BB撞親個頭都好快就唔喊﹐朋友A就可以抖下﹐食下嘢喇。

《Café Besalu》唔錯﹑唔錯﹐我哋會再返嚟嘅~﹗

伸延閱讀﹕
為情人節而整的《草莓大福》
情人節自家晚餐
09年情人節禮物

【同分類上一篇】:08聖誕交換禮物
【同分類下一篇】:09生日慶祝 - 預告
No Comments

Post A Comment