27 10 月 意大利家庭式餐廳 – Buca di Beppo
食永遠都係快過寫嘅﹐近來有太多食記都未得閒寫﹐呢餐已經係九月尾個時食嘅﹐等等下到而家十月尾先嚟寫
。
《Buca di Beppo》係一間每樣餸都好大碟﹐如果兩個人嚟食嘅話﹐order一樣餸都會食唔晒嘅意大利家庭式餐廳。今次嚟係慶祝麥包個妹生日
﹔麥包屋企咁多人﹐大大碟餸就岩晒喇~
﹗
話明係家庭式餐廳﹐成間餐廳都裝飾到好有”家”嘅感覺﹔周圍都放滿好多好有特色嘅生活照﹐打埋昏黃嘅燈﹐俾到人一種好溫暖嘅感覺。
先嚟就係order杯我好鍾意飲嘅【Strawberry Italian Soda】。唔好睇佢咁白白色﹐搞混之後會變成一杯好靚嘅粉紅色嘢飲﹐好好味㗎(掛住飲唔記得影相
)。
我本來以為Italian Soda應該好容易整﹐唔會話難飲得去邊﹐但上個禮拜同朋友試咗杯非常之唔好飲嘅
﹐先知原來《Buca di Beppo》嘅呢杯真係唔錯
。
﹐特別係個舔魷魚圈嘅醬汁﹐係小小辣嘅蕃茄汁﹐我哋次次嚟都會order。
第二頭盤係【Garlic Bread】。淨睇個樣係咪同我哋平時想象嘅蒜茸包好唔同呢﹖上菜嘅時候麥包仲以為佢出錯咗添
﹐哈哈。佢唔係放蒜茸﹐而係放成粒嘅大蒜落去﹐應該係傳統嘅意大利風味。
呢碟賣相唔係咁靚嘅就係【Spicy Arrabbiata Pizza】﹔雖然唔靚﹐但就真係辣辣地幾好味㗎﹐我哋仲加咗蘑菇﹐正
﹗
【Linguine Frutti Di Mare】又係我哋逢去食必叫嘅海鮮寬條意大利麵﹔海鮮包括有蝦﹑蜆﹑帶子﹑青口﹑魷魚圈等等﹐美味喔﹐岩晒鍾意食海鮮嘅我。
嘻嘻﹐唔知係咪太想快D食嘢﹐結果呢張【Salmon with Pesto】影到矇茶茶添
。三文魚整得岩岩熟﹐好滑﹐加埋個pesto sauce﹐又係一碟好味嘅餸﹔但係喺西蘭花上面嘅培根就太鹹同太肥喇﹐我哋都冇食到。
仲有【Lasagna】﹐唔知中文係咩
﹖千層麵﹖﹖呢樣就普普通通咁喇﹐唔知係咪因為嗰時已經食得好飽喇
。
最後就係壽星女嘅生日蛋糕 -【Tiramisu】﹐但壽星女竟然係冇食到﹐因為酒味太穠喎
。呢個肯定係意大利式Tiramisu﹐佢嘅特色就係有好穠嘅酒味﹐比較軟身﹐唔可以好似一件蛋糕咁企到係到﹐所以係放係碗到﹐用匙羹食嘅。
《Buca di Beppo》網頁﹕http://www.bucadibeppo.com
No Comments