買禮物俾人﹑買禮物俾自己

24 10 月買禮物俾人﹑買禮物俾自己

Posted at 05:41h in 購物/禮物篇 by mctea 0 Comments

麥包呢排都仲係好忙吖﹐咁上星期六我就自己去咗幫麥包睇下有冇岩佢嘅牛仔褲賣。事源麥包公司近期開始星期五返工有casual day(其實仲係喺實驗階段﹐到今年年尾﹐睇下反應如何﹖)﹐咁佢平時著開嘅牛仔褲太casual﹐唔返得工﹐所以就要買過條喇。

牛仔褲就睇唔岩喇﹐但就俾我揾到杯好得意嘅cupcake。其實佢係一條undie嚟㗎﹐見佢咁得意﹐岩岩朋友J(喺美國嗰個)又生日﹐就買嚟送俾佢喇。本來係想請佢食飯嘅﹐但佢又忙到飛起﹐唔得閒去食飯﹐咁個cupcake就岩晒喇。

睇真D﹐個cupcake原來真係可以用嚟整真嘅cupcake㗎﹔哈哈﹐但我諗佢唔會得閒咁做咯﹗

行街就係咁﹐明明嚟幫人買嘢﹐到最後會買咗嘢俾自己。因為就嚟去陽光與海灘嘅地方﹐行行下又去咗睇泳衣有冇減價(慘﹗又會俾麥包話我買咁多泳衣做咩~﹖﹗)。俾我見到件好得意嘅﹔紅白間條嘅halter neck﹐最特別嘅就係佢分別喺胸前蝴蝶同埋頸後綁繩到都有可愛嘅吊飾 – 士多啤梨﹑鈴﹑同埋”J﹑C”兩個子母(牌子縮寫)。